«Áskerı baspana» baǵdarlamasyna qujat qabyldaý tamyzda bastalady
«Kópten kútken «Áskerı baspana» 8/15 baǵdarlamasy tamyz aıynda bastalady. Qurmetti turǵyn úı tólemin alýshylar, jumysyńyzdyń ońaı emestigin bilemiz, sol úshin sizderdi birneshe tamasha jańalyqpen qýantqymyz keledi. Baǵdarlamaǵa ótinish berý 1 aıǵa sozylady. Bul degenimiz, ótinim berýge búkil qatysýshylardyń ýaqyty jetedi», - dep jazylǵan banktiń Instagram paraqshasynda.
Habarlamada aıtylǵandaı, ıpotekany bank bólimshesine barmaı-aq, konserj servıs arqyly onlaın resimdeýge bolady.
«www.hcsbk.kz jáne www.otbasybank.kz saıty arqyly beıne qońyraýdyń kómegimen jumysta otyryp rásimdeýge de bolady. Ipotekany onlaın resimdep, siz ýaqytty ǵana emes, aqshany da únemdeısiz. Ipotekany onlaın rásimdeý 50% arzanyraq», - delingen.
Sondaı-aq, bank atalǵan baǵdarlamanyń bastalýyn kúte almaıtyn nemese turǵyn úı ıpotekasyn 8%-dyń ornyna 6%-ben alǵysy keletinderge usynys jasap otyr.
«Áskerı baspana» baǵdarlamasy boıynsha 6/50 nesıesin alýǵa bolady:
6% - ıpoteka boıynsha paıyz;
50% - bastapqy jarna.
Bul baǵdarlamany Otbasy bank arqyly kez kelgen ýaqyt resimdeseńiz bolady.
Osy baǵdarlama boıynsha 50% jınaqtap, bir jylda 752 turǵyn úı tólemin alýshy nesıe rásimdedi.
Baǵdarlamaǵa qatysýda eshqandaı konkýrs pen kezek joq.
Foto: instagram.com/p/CgJrgQwtkpp/otbasy_bank_kz
