«Áskerı áýlet» baıqaýyna qatysýshy Apeshevter áýletiniń jalpy eńbek ótili 100 jyldan asyp jyǵylady
Baıqaý qazaqstandyq armııanyń áskerı qyzmetshileriniń júrekterinde ystyq yqylas tapty. Ózderiniń atalary, ákeleri men óziniń qyzmeti týraly aıtyp berýge elimizdiń túkpir-túkpiriniń ofıtserleri nıet bildirýde. Bul rette derekter san alýan tsıfrlarmen bekitilýde.
Sonymen, Apeshevter otbasynyń músheleri Otanǵa úsh urpaq qyzmet etip keledi, olardyń áskerı áýletiniń jalpy eńbek ótili 100 jyldan asyp jyǵylady. Osy áýlette áskerı eńbek ótili negizin Mámbetalı Apeshev qalady. Uly Otan soǵysynyń ardageri atqysh zenıtshi retinde Otandy qorǵaǵan. Urys alańyndaǵy atasy men ákesiniń áńgimeleri balalary men nemerelerin rýhtandyrǵany sonshalyqty, olardyń kóbisi sol joldy tańdady.
«Shabýylǵa attanyp, mynany oılaısyń: qazir oqshashar júrekke bir-aq atady. Bizde árbirimizde saperlik kúrek boldy, men ony shıneldiń ishine salyp, qorǵanysh retinde júregime qoıatynmyn. Snarıadtyń basqa tıetini týraly múlde oılamappyn. Bir sózben aıtqanda áli balamyn. Biz únemi kúızeliste bolatynbyz, sebebi, janyńdaǵy bireýdiń ólgenin nemese jaralanǵanyn kóresiń. Bul qan jutqan shaıqasty aılap bastan keshiretinbiz», - degen Serik atasynyń esteligin bólisedi urpaqtary.
Soǵysqa qatysqan atamnyń uly Ábdikerim Apeshev qyzmetin 1970 jyly merzimdi qyzmetten 336-shy teńiz jaıaý áskeriniń brıgadasynda bastaǵan. Qyzmeti aıaqtalysymen Máskeý shekara ýchılışesine tústi. Ofıtserlik qyzmettiń alǵashqy kúnderin «Horgoss» zastavasynda bastady. 35 jylyn áskerı iske arnaǵan. Qazir bul áskerı qyzmet estafetasyn QR Qarýly Kúshteriniń ofıtseri kapıtan Serik Apeshev ustap tur. Áskerde ol 13 jyl, qazir QR QK ÁQK bas qolbasshysynyń basqarmasynda qyzmet etedi. Onyń jubaıy Nazgúl de áskerı qyzmetshi bolyp tabylady. Ol Qorǵanys mınıstrliginde maıor sheninde qyzmet etýde. Seriktiń ápkesi Juldyz ben aǵasy Janbolattyń da 20 jyldyq eńbek ótili bar. «Bizdiń elemizde mundaı baıqaýlardy ótkizgenderine óte qýanyshtymyn. Bul adamdarǵa bizdiń áskerı áýletter týraly aıtyp berýge jaqsy múmkindik dep oılaımyn. Máselen, meniń otbasymda áskerı ispen erlermen qatar, áıelder de aınalysady. Batyr atam, ákemniń jetistikteri, aǵalarym men ápkelerimniń qyzmeti týraly aıtyp beretinime qýanyshtymyn», - deıdi Serik Apeshev.
«Áskerı áýlet» baıqaýyn QR Qorǵanys mınıstrligi alǵash ret uıymdastyryp otyrǵanyn esterińizge salaıyq. Ol QR Qarýly Kúshteri áskerıleriniń otbasylyq qundylyqtaryn, urpaqtarynyń qajyrly, áskerı, patrıottyq jáne adamgershilikterin kórsetýge baǵyttalǵan. Búgingi tańda baıqaýdyń uıymdastyrý komıtetinde Qazaqstannyń barlyq óńiriniń áskerılerinen shamamen 50 ótinim kelip tústi.