Áskerı Ant bir-aq tilde berilýi kerek - respýblıkalyq basylymdarǵa sholý

***
Maýsymnyń 7-si kúni Túrkııada Azııadaǵy ózara is-qımyl jáne senim sharalary keńesiniń III sammıti ashyldy.
Onda Azııadaǵy ózara is-qımyl jáne senim sharalary keńesiniń qazirgi tóraǵasy, Qazaqstan Prezıdenti Nursultan Nazarbaev pen uıymnyń bolashaq tóraǵasy, Túrkııa Prezıdenti Abdýlla Gúl sóz sóıledi. Qazaqstan Prezıdenti N.Nazarbaev óz sózinde Qazaqstanda Azııa keńesiniń halyqaralyq hatshylyǵy tabysty jumys istep jatqandyǵyn, osy ýaqytta eki sammıt ótkizilip, mınıstrler deńgeıinde úsh kezdesý bolǵanyn atap kórsetti. «Halyqaralyq jáne óńirlik uıymdarmen, forýmdarmen baılanystar ornatylǵan. «Azııa keńesi BUU-nyń Bas Assambleıasy janyndaǵy baıqaýshy mártebesine ıe boldy. Keńes bolashaqta Azııadaǵy qaýipsizdik pen yntymaqtastyq jónindegi tolyqqandy uıymǵa aınalý baǵyty boıynsha damyp keledi. Azııa keńesine Iran men Vetnamnyń múshe bolyp kirýimen, al Bangledeshtiń baıqaýshy mártebesin ıelenýimen quttyqtaımyn. Endi bizdiń forým, Azııa qurlyǵynyń 90 paıyzyn jáne jer shary turǵyndarynyń teń jartysyn quraıtyn 22 memlekettiń basyn qosyp otyr», dep atap kórsetti» dep jazady «Egemen Qazaqstan» basylymy «Azııa keńesi - qaýipsizdik kepili, turaqtylyq tiregi» atty maqalada. Osy maqaladan Memleket basshysynyń atalmysh jıynda kótergen bastamalary jóninde de mol málimet alýǵa bolady.

«Premer-Mınıstr Kárim Másimov bastaǵan top dúısenbi kúni Ulan aýdanynyń ortalyǵy Molodejnoe kentindegi «Óskemen qus fabrıkasy» aktsıonerlik qoǵamyna keldi. Mundaǵy «Eýrazııa» jobasynyń maqsaty - qazirgi óndiristi qalpyna keltirý jáne jańǵyrtý jolymen óndiristi keńeıtý, jańa qýattardy salý. Jobanyń jalpy quny - 2,6 mıllıard teńge. Bul Qazaqstannyń údemeli ındýstrııalyq-ınnovatsııalyq damý baǵdarlamasy jobasyna engen. Úkimet basshysy K.Másimov oblys ákimi B.Saparbaevqa Elbasy N.Nazarbaevtyń azyq-túlik baǵasyn qymbattatpaı, halyqtyń jaǵdaıyn oılaý jónindegi tapsyrmasyna nazar aýdarý qajettigin eskertti», dep jazady «Egemen Qazaqstan» basylymy. «Keleshegi kemel kendi Altaı» atty maqalada. Úkimet basshysynyń Shyǵys Qazaqstan oblysyndaǵy sapary barysynda kóterilgen máseleler týraly osy maqaladan qanyǵýǵa bolady.
***

«Áskerı Ant bir-aq tilde berilýi kerek. Ol til - memlekettik til! Ókinishke qaraı, áskerı Ant eki tilde beriletin dúnıejúzindegi birden-bir el - Qazaqstan, dep jazady «Aıqyn» basylymy «Tilsiz patrıotızm bola ma ?» atty maqalada. Basylym osy materıal arqyly qazaq tiliniń ásker salasynda qoldanylýyna baılanysty úlken másele kótergen. Ol týraly «Aıqynnyń» búgingi nómirinen oqı alasyzdar.

Sondaı-aq atalmysh basylym «7 myń 200 bala «ekilik aldy» atty maqalada elde júrgizilgen Ulttyq biryńǵaı testileý sharasynyń júrgizilý barysy jóninde baıandaıdy. «Respýblıka boıynsha mektep bitirýshilerdiń UBT synaǵy jalǵasyp jatyr. Ázirge alǵashqy úsh kúnniń qorytyndysyn shyǵarǵan Bilim jáne ǵylym mınıstrliginiń Testileý ortalyǵy synaqtan ótkenderdiń 11 paıyzy shekti 50 baldy da jınaı almaı, qulap qalǵandyǵyn jarııa etti», dep jazady basylym. UBT jumystarynyń barysynda oryn alǵan osyndaı qyzyqty jáıtter jóninde «Aıqynnyń» búgingi sanynan oqýǵa bolady.

***
«Alash aınasy» basylymy búgingi nómirinde ınternet jelisindegi qalyptasqan máseleler tóńireginde úlken qyzyqty maqala jarııalaǵan. «Qazaqtildi ınternet paıdalanýshylardyń suranysy surapyl» atty maqalada avtor ınternettiń qoǵam ómirinde alatyn orny jóninde baıandaı kele mynadaı másele kóteredi. «Elimizde ınternettiń keń qarqyn al almaı otyrǵan salalary jetkilikti. Qazaqstanda óziniń ónimi bolyp tabylatyn «izdestirýshi» saıttar joq. Máselen Google álemge ortaq bolǵanymen, Reseıdiń ózi ishinde jıi qoldanylatyn, tildik erekshelikteri eskerilgen ıAndeks sııaqty saıt bizde joq. Budan bólek qazaqstandyq poshtalar men qazaqstandyq áleýmettik saıttardyń eshbiri úlken qarqynǵa ıe bola almaı otyr. Qazaqstandyq ınternet tutynýshylardyń basym kópshiligi Mail.ru portalyn paıdalanady», dep jazady maqala avtory.

Sondaı-aq osy nómirinde «Alash aınasy» «Gıpertonııa jasaryp keledi» dep dabyl qaǵady. Osy maqalada aýrýdyń taraý saldary men oǵan túrtki bolyp otyrǵan máseleler jóninde baıandalaǵan. Sondaı-aq maqala avtory atalmysh máselege baılanysty «Halyqtyń paıymy boıynsha máseleniń máıegi - medıtsına salasynyń deńgeıiniń tómendiginde. Olaı deýleriniń jóni de bar sııaqty. Óıtkeni Joǵary palata otyrysynda Baıqońyr qalasy men onyń janyndaǵy Tóretam, Aqaı kentteriniń turǵyndary medıtsınalyq qyzmet kórsetý tártibi týraly Qazaqstan men Reseı úkimetteriniń arasyndaǵy kelisimdi ratıfıkatsııalaýǵa arnalǵan zań jobasyn talqylaý barysynda Densaýlyq saqtaý mınıstri J.Dosqalıev elimizdiń medıtsınasyna «mesheý» degen dıagnoz qoıǵan bolatyn. Eger mınıstr solaı dese, demek solaı shyǵar», deı kele osy máselege baılanysty bilikti mamandardyń pikirlerin ortaǵa sala otyryp, qyzyqty málimetter keltiredi.

***

«Lıter» basylymy búgingi nómirinde «Vremennye trýdnostı» atty maqala arqylyPetropavl qalasynda et baǵasynyń eki esege qymbattaǵandyǵyn aıtyp, jar salady. Basylymnyń málimetterinshe, etti saýdalaýshylar arnaıy jıyn ótkizip, qalaǵa et tasymaldanbaı jatqandyǵyna baılanysty ózderiniń jumyssyz qalǵandyǵyn aıtyp, zar ılep otyr. Saýdagerlerdiń paıymdaýlarynsha, jaǵdaıdyń bulaısha qalyptasýyna negiz bolyp otyrǵan basty sebepterdiń biri - maldy arnaıy belgilengen oryndarda baýyzdaý jónindegi talap.

***

«Kazahstanskaıa pravda» basylymy «Garant stabılnostı ı mıra» degen atpen maqala jarııalap, onda Memleket basshysynyń Qazaqstannyń memleket bolyp qalyptasýyndaǵy róli men orny jóninde baıandaıdy. Maqala avtorynyń pikirinshe, beıbitshilik pen yntymaqtastyq, qoǵamdyq kelisim Qazaqstannyń alǵashqy Prezıdentiniń mańyzdy ári basty jetistikteriniń biri. «Buǵan Qazaqstanda turatyn halyqtar ǵana emes, halyqaralyq uıym ókilderi de dán rıza. Sebebi elimiz alǵash ret óz aldyna derbes memleket bolyp qurylǵan sátte etnıkaaralyq tatýlyq jóninde túsinik te joq bolatyn. Kerisinshe Keńes Odaǵy quramynan shyqqan memleketterde tatýlyqtan kóri ultaralyq qaıshylyqtardan keletin qaýip kóp boldy. Batystyń kóptegen sarapshylary Qazaqstanda da osyndaı qaıshylyqtar bolýy múmkin degen boljamdaryn aıtyp jatty. Alaıda olardyń eshqaısysy da oryndalmady» deı kele maqala avtory Elbasynyń memleket bolashaǵy jolynda atqarǵan isteri men onyń búgingi eldegi jáne álem aldyndaǵy bedeli jóninde jan-jaqty baıandaıdy.