Áskerı ánder baıqaýynyń bas júldesin «Ońtústik» óńirlik qolbasshylyǵy ıelendi

ASTANA. QazAqparat - Astanada shoǵyrlanǵan QR QK Ulttyq áskerı-patrıottyq ortalyǵynda jyl saıynǵy «Jas ulan» armııa ánderi festıvali ótti. Án baıqaýy 1997 jyldan bastap ótkizilip keledi. Bul týraly QR Qorǵanys mınıstrliginiń baspasóz qyzmeti habarlady.

Qurlyq áskerleri, Áýe qorǵanysy kúshteri, Áskerı-teńiz kúshteri, áskerı oqý oryndary, qorǵanys isteri jónindegi departamentteriniń áskerı qyzmetshileri, áskerı-patrıottyq klýbtardyń tárbıelenýshileri, joǵary synyp oqýshylary kórermenderdi tánti etti. Festıvalǵa qatysýshylar úsh atalym boıynsha óner kórsetti. Atap aıtqanda, «Oryndaýshy-vokalıster», «Folklorlyq oryndaýshylar», «Vokaldy-aspaptyq ansamblder men oryndaýshylar».

Baıqaý sharttaryna áskerı taqyryptaǵy shyǵarmany, qazaqstandyq sazgerlerdiń nemese oryndaýshylardyń týyndylaryn, jeke (avtorlyq) mýzykalyq shyǵarmalardy, sondaı-aq, folklorlyq janrdy oryndaý kirdi.

 

XVIII respýblıkalyq «Jas ulan» armııa ánderi festıvaliniń qorytyndysy boıynsha bas júlde «Ońtústik» óńirlik qolbasshylyǵyna tabys etildi.  «Vokaldy-aspaptyq ansambli» nomınatsııasynda 1-oryndy «Arystan» mektep-lıtseıiniń vokaldy toby, «Folklor» nomınatsııasynda «Shyǵys» óńirlik qolbasshylyǵy jáne «Vokal» atalymynda Álı Kóptileý (Astana q. Qorǵanys isteri jónindegi departamenti) jeńip aldy.  

Respýblıkamyzdyń túkpir-túkpirindegi daryndy jastar, jalpy bilim berý mektepteriniń, lıtseıleriniń oqýshylary, kolledj stýdentteri, jas patrıottar XVIIIrespýblıkalyq «Jas ulan» armııa ánderi festıvaliniń qatysýshylary dıplomdarymen marapattaldy.