Áskerge SMS arqyly shaqyrady, barý nemese jaltarý úshin bireýge para berýdiń qajeti joq
ASTANA. KAZINFORM - 1 naýryzda Astanada kóktemgi merzimdi áskerı qyzmetke shaqyrý bastaldy. Elordadan 1 myńnan asa jigit áskerge attanady.
Bul týraly ÓKQ brıfınginde Astana qalasy qorǵanys isteri departamentiniń bastyǵy Aıdyn Saǵynbekov aıtty.
2024 jyldyń 30 maýsymyna deıin Qarýly Kúshterdiń, basqa da áskerler men áskerı qurylymdardyń qataryn áskerge shaqyrýdy keıinge qaldyrýǵa nemese odan bosatýǵa negiz joq.
Bıyl ásker qataryn 18 ben 27 jas aralyǵyndaǵy jıyrma myńnan astam er azamat tolyqtyrady.
- Qarýly kúshterge 9 000-nan astam adam,
- Ulttyq ulanǵa 6 000-nan astam,
- UQK shekara qyzmetine 3 000-ǵa jýyq,
- Tótenshe jaǵdaılar mınıstrligine 300-den astam,
- Memlekettik kúzet qyzmetine 300-ge jýyq adam shaqyrylady.
Aıdyn Saǵynbekovtiń aıtýynsha, Astana qalasynan 1 000-nan astam jigit áskerge jiberiledi.
«Merzimdi áskerı qyzmetke shaqyrý jáne onyń belgilengen merzimin ótkergen áskerı qyzmetshilerdi zapasqa shyǵarý qoldanystaǵy zańǵa sáıkes uıymdastyrylyp, júrgiziledi. Áskerge shaqyrylýǵa tıisti er azamttardy habardar etý olardyń turǵylyqty mekenjaıyna nemese jumys oryndaryna jetkiziletin derbes shaqyrtý qaǵazyn joldaý jáne 1414 qyzmetiniń SMS-habarlamasy arqyly júzege asady. Shaqyrtý qaǵazy bolady», — dedi ol.
Áskerge shaqyrýdy keıinge qaldyrý nemese odan bosatý azamattarǵa elektrondy úkimet portaly arqyly usynylady.
Atalǵan qyzmetterdi kórsetýge jaýapty jergilikti atqarýshy organdar bolyp sanalady.
«Áskerı qyzmet — árbir jas azamattyń zańmen belgilengen mindeti. Al áskerı qyzmet ótkerýden jaltarý barlyq quqyqtyq saldarǵa ákep soqtyratyn qylmystyq jáne ákimshilik jaýapkershilikti kózdeıtinin eske salǵym keledi. Sonymen qatar áskerge shaqyrýdy keıinge qaldyrý nemese odan bosatý máselesin belgili bir tólem arqyly sheshý jolymen kómek kórsetýge ýáde beretin adamdardyń áreketinen azamattardy saqtandyrǵym keledi, óıtkeni bul qyzmetterdi jergilikti atqarýshy organdar óteýsiz negizde kórsetedi. Atalǵan kórsetiletin memlekettik qyzmetti kórsetý tártibi týraly naqty aqparatty egov.kz saıtynan alýǵa nemese arnaıy ázirlengen jadynamamen tanysýǵa bolady. Olar barlyq jergilikti áskerı basqarý organynda bar», — dedi spıker.
Áskerdiń barlyq salalaryna tsıfrlyq tehnologııany engizý jalǵasyp jatyr.
Áskerı mindettiler men áskerge shaqyrylýshylardyń esebi jergilikti áskerı basqarý organdarynyń jumysyn avtomattandyrýǵa múmkindik beretin tsıfrlyq formatqa aýysty.
Azamattardy áskerı qyzmetke shaqyrýdy keıinge qaldyrý jáne bosatý jónindegi qyzmet iske qosyldy.
Endi azamattar áskerı qyzmet ótkerý mártebesi týraly málimetti usyný boıynsha memlekettik qyzmetti bir de bir qujatsyz ala alady.
Azamattardyń bul sanaty shaqyrýdy keıinge qaldyrý týraly SMS-habarlama alady.
Bul júıe azamattardyń áskerı esebin tsıfrlandyrý jeke baılanysyn qospaǵanda, kóptegen máseleni qashyqtan sheshýge múmkindik beredi.
