Áskerge shaqyrylǵandar arasynda kózi nashar kóretinder kóbeıgen - Amantaı Óserbaev
Almatyda onlaın brıfıng barysynda Almaty qalasy qorǵanys isteri jónindegi Departamentiniń basshysy Amantaı Óserbaev osylaı dep málimdedi.
«Búginde kelisimshart boıynsha qyzmet etkisi keletinder sany artyp keledi. Mysaly, bıyl kelisimshartpen jumys isteýge Almatydan 500-ge jýyq adam qabyldandy»,- dedi ol.
Sonymen qatar, áskerge shaqyrylǵandar arasynda kórý qabileti nashar azamattar kóbeıgen.
«Jańa býyndaǵy áskerge shaqyrylýshylar arasynda jıi kezdesetin aýrýlardyń biri – kórý qabiletiniń nasharlyǵy, sondyqtan talaptar ózgerip, tómendetildi. Sebebi, qazir 100 % kórý qabileti bar áskerge shaqyrylýshylar az. Biz sondaı-aq úmitkerlerdiń bilim deńgeıi men psıhologııalyq jaǵdaıyn eskeremiz», - dedi A. Óserbaev.
Brıfıng barysynda qorǵanys isteri jónindegi departament basshysy áskerge shaqyrýdy keıinge qaldyrý nemese bosatý týraly sheshimdi tek shaqyrý komıssııasy qabyldaıtynyn aıtty.
