Áskerge shaqyrylatyndar PTR zertteýden eki ret ótedi - Sáken Júsipov
«Osymen ekinshi jyl áskerge shaqyrý naýqany pandemııa jaǵdaıynda ótkizilip jatyr. Áskerge shaqyrý jáne jıyn pýnktterinde koronavırýs ınfektsııasynyń aldyn alýdyń ári onyń taralýyna jol bermeýdiń tájirıbesi pysyqtalǵan. Ótken áskerge shaqyrý kampanııasyndaǵy sııaqty áskerge shaqyrylatyndarǵa PTR zertteýi eki ret júrgiziledi, ıaǵnı, áskerge shaqyrý kezinde jıyn pýnktterinde jáne olar áskerı bólimderge kelgen kezde», - dedi S. Júsipov Ortalyq kommýnıkatsııalar qyzmetinde.
Onyń aıtýynsha, belgilengen sanıtarııalyq-epıdemıologııalyq shekteýlerdi saqtaý, medıtsınalyq maskamen, dezınfektsııalaý quralymen qamtamasyz etý udaıy Qorǵanys mınıstriniń baqylaýynda.
«Sonymen qatar, áskerge shaqyrylatyndardyń jáne olardyń ata-anasynyń karantın shekteýin saqtaý qajettigin túsinýi áskerı ortada koronavırýstyń jappaı taralýyna jol bermeýge yqpal etetinin atap ótýdi qajet dep sanaımyn. Aldaǵy áskerge shaqyrý barysynda Tsıfrlyq damý jáne aeroǵarysh ónerkásibi mınıstrliginiń 1414 qyzmetiniń servısi arqyly áskerge shaqyrylatyndarǵa SMS habarlama taratýdy jalǵastyrý josparlanyp otyr. Habardar etý protsesinde jeke qarym-qatynas jasaýdy boldyrmaý ınfektsııa juqtyrý qaýpin azaıtady», - dedi departement basshysy.
Budan buryn habarlanǵandaı, Qazaqstan Prezıdentiniń 2021 jylǵy aqpandaǵy Jarlyǵyna sáıkes, bıylǵy 1 qyrkúıekten bastap kúzgi azamattardy merzimdi áskerı qyzmetke shaqyrý is-sharalary bastalady. Jyl sońyna deıin ásker qataryn 17 myńǵa jýyq jas jigit tolyqtyrady.
