Áskerge shaqyrylatyn jastardyń moraldyq-psıhologııalyq daıyndyǵy jan-jaqty tekseriledi - QR Qorǵanys mınıstrligi
Bul týraly búgin Astanada ótken baspasóz máslıhatynda QR Qorǵanys mınıstrliginiń baspasóz hatshysy Qaısar Muǵalov málim etti.
Onyń sózine qaraǵanda, bıyl qabyldaý komıssııalary áskerge shaqyrylatyn jastardyń psıhologııasyn jan-jaqty zertteıtin bolady. «Budan basqa, ishki ister jáne taǵy basqa quziretti organdardan tıisti aqparat alynady. Sondaı-aq anketalyq saýalnama júrgiziledi. Bylaısha aıtqanda, áskerge shaqyrylatyn jastyń tolyq minezdemesi jasalady. Bul sońǵy kezderi ásker qatarynda jıilep ketken sýıtsıd oqıǵalaryna baılanysty. Árıne, biz jastardyń moraldyq-psıhologııalyq daıyndyǵyna erekshe kóńil bólemiz. Sebebi olar áskerge kelgen kezde múldem basqa tártipke tap bolady. Osyndaıda keıbireýler úshin ol jaǵdaı qıynǵa soǵady. Mine, osyndaı jastardy anyqtaý úshin arnaıy psıholog-mamandar jumys isteıtin bolady», - deıdi Q.Muǵalov.
QR Qorǵanys mınıstrliginiń resmı ókili Sáýle Smaǵulovanyń habarlaýynsha, bıyl kóktemgi naýqan barysynda ásker qataryna 16 myńnan astam azamat shaqyrylady. 8 myń jas Qorǵanys mınıstrliginiń áskerı bólimderine shaqyrylsa, qalǵandary Respýblıkalyq ulan, Іshki ister mınıstrliginiń Іshki áskeri, Ulttyq qaýipsizdik komıtetiniń Shekara qyzmeti men Tótenshe jaǵdaılar mınıstrliginiń bólimderine jiberiledi.