Áskerge shaqyrylatyn sarbazdardyń sapasy artyp keledi - Maıkeev
Іs-shara barysynda «Kóktem-2016» áskerge shaqyrý naýqany qorytyndylanyp, aldaǵy kúzgi shaqyrylymǵa tapsyrmalar belgilendi. Bul týraly mınıstrliktiń baspasóz qyzmetinen málim etti.
«Elbasy - QR QK Joǵarǵy Bas Qolbasshysy Nursultan Ábishuly Nazarbaevtyń udaıy jiti nazarynyń arqasynda bizde qazirgi ýaqytta zamanaýı qarý-jaraq jáne áskerı tehnıkamen qamtamasyz etilgen ózindik, jaýyngerlik qabiletti, utqyr Qarýly Kúshter, basqa da áskerler men áskerı quralymdar bar. Bul rette qarý-jaraq jáne tehnıkamen joǵary deńgeıde jabdyqtalýyna qaramastan, negizgi jaýyngerlik komponent adamnyń áleýeti, ıaǵnı jeke quram bolyp qala beredi. Shaqyrylý kontıngentiniń sapasy artyp keledi. Biz qazirgi kezde anaǵurlym jaqsy, anaǵurlym saýatty sarbazdardy qabyldap jatyrmyz. Aýmaqtyq qorǵanys júıesin jetildirý maqsatynda Elbasynyń Jarlyǵymen QR áskerı qaýipsizdigin qamtamasyz etýdiń jalpy júıesine aýmaqtyq qorǵanys júıesin kiriktirý tujyrymdamasy bekitildi. Tujyrymdama sheńberinde aýmaqtyq qorǵanys basqarmasy quryldy. Onyń negizgi mindetteri jalpy jetekshilik etýdi júzege asyrý bolyp tabylady», - dedi Murat Maıkeev.
Kóktemgi shaqyrylym qorytyndysy boıynsha Almaty, Qaraǵandy, Qostanaı, Ońtústik Qazaqstan, Jambyl, Atyraý jáne Mańǵystaý oblystarynyń qorǵanys isteri jónindegi departamentteri jaqsy jaǵynan belgilendi.
Sonymen birge, shaqyrylý kontıngentin aldyn ala zerdeleý, sondaı-aq mektepterde uıymdastyrylatyn alǵashqy áskerı daıyndyq máseleleri qozǵaldy.
