Áskerge shaqyrý jospary bekitildi - QR Qorǵanys mınıstrligi
Atalǵan qujat jastardy Qarýly Kúshter qataryna shaqyrýdy sapaly ótkizý jáne áskerı qyzmetti pármendi nasıhattaý maqsatynda jasaldy. Bul týraly atalǵan vedomstvonyń baspasóz qyzmetinen habarlandy.
Keshendi josparda medıtsınalyq kýálandyrý, ıdeologııalyq jáne psıhologııalyq jumystar, normatıvti-quqyqtyq qamtamasyz etý sharalary kórsetilgen. Jospardaǵy áskerge shaqyrý naýqanyn sapaly ári tıimdi júzege asyrýǵa Qarýly Kúshterdiń barlyq qurylymdyq bólimsheleri tartylǵan.
Áskerge shaqyrý bastalǵanǵa deıin Qorǵanys isteri jónindegi departamentter men basqarmalarda ýaqytsha jáne turaqty qyzmet kórsetetin medıtsınalyq komıssııalar qurylady. Qazir medıtsına qyzmetkerleri óz jumystaryna qajet medıtsınalyq quraldardy, jabdyqtardy daıyndaýda.
Ideolog-ofıtserlerdiń qatysýymen áskerge shaqyrylýshylarmen ótkiziletin Otansúıgishtikti kúsheıtý, ekstremıstik jáne iritki salatyn dinı baǵyttaǵy aǵymdarǵa qarsy turýǵa arnalǵan áńgimelerdiń taqyryby ázirlendi. Sondaı-aq, «Erlik sabaǵy», «Jas armııashylar kúni» sııaqty sharalardy áskerge shaqyrylýshy jastarmen ótkizýdiń jospary jasaldy.
Áskerı bólimderdiń áskerge shaqyrylýshylardy qabyldaýǵa ázirligin tekseretin arnaıy komıssııa quryldy. Jas sarbazdardy kazarmalarǵa ornalastyrý jáne turǵyn úı kazarmalyq qordyń merzimi belgilendi. Qazirgi tańda áskerı bólimderde kazarmalardy, ashanalardy, kir jýý kombınattaryn daıyndaý jumystary júrgizilýde. Keıbir áskerı bólimderde merzimdi áskerı qyzmetshiler ornalasatyn oryndarda beıne baqylaý júıelerin ornatý qolǵa alynýda.