Áskerge shaqyrý úshin izdestirilip jatqan jastar sany 2 ese azaıdy

ASTANA. QazAqparat – Qorǵanys mınıstrligi merzimdi áskerı qyzmetke shaqyrtylýy tıis jastardy izdestirýge qatysty túsinik berdi, dep habarlaıdy QazAqparat tilshisi.

Vedomstvonyń málimetine qaraǵanda, qoldanystaǵy zańnamaǵa sáıkes jyl saıyn Qarýly kúshterdiń, basqa da áskerler men áskerı qurylymdarynyń qataryn áskerge shaqyrýdy keıinge qaldyrýǵa nemese odan bosatýǵa negizi joq 18-ben 27 jas aralyǵyndaǵy 37 myńnan astam er azamat tolyqtyrady.

Atap aıtqanda, buǵan deıin áskerge shaqyrtylýy tıis jastardy izdestirýge túrli sebepter áser etip otyrǵanyn habarlaǵan edik. Olar jumys babymen turǵylyqty jerinen kóship ketkenimen áskerı esepten shyqpaıdy. Sondyqtan, olardy izdestirýge týra keledi. Olar áskerge shaqyrý pýnkterine shaqyrý qaǵazy boıynsha kelmeıdi. Osy oraıda, bul adamdardyń tizimi jasalyp, izdeý júrgiziledi.

Azamattardy merzimdi áskerı qyzmetke shaqyrýdy júrgizý kezeńinde syrtqy ári ishki kóshi-qonǵa baılanysty problema bolyp jatady. Bul rette jyl saıyn áskerge baratyn jastaǵy 25 myńnan astam azamat áskerı esepten shyqpaı, elimizdiń basqa óńirlerine ketip jatady nemese turǵylyqty jerin aýystyrady. Sondyqtan, osy sanattaǵy jastar izdestirilýge beriledi

, - delingen Qorǵanys mınıstrliginiń «QazAqparat» agenttigine bergen jaýabynda.

Vedomstvo málimetinshe, byltyrmen salystyrǵanda izdestirilip jatqan adamdar sany 12 myńǵa deıin azaıdy. Buǵan jaýapty memlekettik organdar qyzmetiniń belsendi atqarylýy men SMS-habarlamany joldaý tártibiniń engizilýi ońtaıly áser etken.