Áskerge shaqyrý barysy: Nelikten keıbir azamat kúshtep jetkiziledi

ASTANA. KAZINFORM — Áleýmettik jelilerde áskerge shaqyrtý jasyndaǵy azamattardy májbúrli túrde ustap, jergilikti áskerı basqarý organdaryna jetkizý týraly beınematerıaldarǵa baılanysty Qorǵanys mınıstrligi resmı túsinikteme berdi. 

Mınıstrliktiń málimetinshe, Qazaqstanda azamattardy merzimdi áskerı qyzmetke shaqyrý jyl saıyn zańnamaǵa sáıkes júrgiziledi. Alaıda bul kezeńde keıbir azamattyń áskerı qyzmetten jaltarýy nemese shaqyrtý qaǵazyn alǵan soń belgilengen ýaqytta kelmeýi sııaqty máseleler týyndaıdy. 

— Mundaı jaǵdaılardyń týyndaýyna azamattardyń tirkeýde turǵan mekenjaıda turmaýy nemese mekenjaıyn ýaqtyly aýystyrmaýy sebep bolyp jatady. Eger shaqyrý qaǵazyn azamattyń ózine tabystaý múmkin bolmasa, ony jetkizý isin ishki ister organdary júzege asyrady, — delingen habarlamada.

Sondaı-aq reıd barysynda polıtsııa qyzmetkerleriniń zańdy talaptaryna baǵynbaǵan keıbir azamattyń májbúrli túrde jetkiziletinin atap ótti. 

— Shaqyrý pýnktterinde azamattardyń merzimdi áskerı qyzmetke shaqyrylýǵa jatatyny nemese jatpaıtyny anyqtalady. Eger zańdy negizder bolmasa, olar úılerine jiberiledi. Al shaqyrýǵa negiz bolǵan jaǵdaıda medıtsınalyq tekserýden ótip, odan arǵy sharalarǵa qatysady, — dedi mınıstrliktiń resmı ókili.

Vedomstvo áskerı mindetten jaltarǵany úshin Qazaqstan zańnamasynda ákimshilik jáne qylmystyq jaýapkershilik qarastyrylǵanyn eske salady.

Buǵan deıin, áskerge kúshtep áketý áreketi bolsa, sotqa júginý múmkindigi bar ekenin jazǵanbyz.