Áskerge shaqyrylǵandardyń densaýlyǵyna qoıylatyn talaptar jańartyldy

ASTANA. KAZINFORM — Qorǵanys mınıstrligi áskerı qyzmetke shaqyrylatyn azamattardyń densaýlyq jaǵdaıyna qoıylatyn talaptardy ózgertti.

Jańartylǵan erejeler Qazaqstan Respýblıkasynyń Qarýly Kúshi, basqa da áskerler men áskerı quramada mindetin óteıtin barlyq azamatqa qatysty. Tıisti ózgerister 2025 jylǵy 30 maýsymdaǵy Qorǵanys mınıstriniń buıryǵymen bekitildi.

Azamattardyń áskerı qyzmetke jaramdylyq deńgeıi birneshe grafa boıynsha anyqtalady:

I grafa

— áskerı ýchaskelerge tirkeý kezinde;

— merzimdi áskerı qyzmetke shaqyrý kezinde;

— Qorǵanys mınıstrliginiń mamandandyrylǵan uıymdarynda áskerı-tehnıkalyq jáne ózge de mamandyqtar boıynsha óteýsiz daıyndyqtan ótý úshin iriktelgen azamattarǵa;

— áskerı oqý oryndaryna (mektepterge), jalpy orta bilim berý baǵdarlamalaryn júzege asyratyn joǵary oqý oryndaryna túsý kezinde jáne olardyń tárbıelenýshilerine qatysty.

II grafa

— tehnıkalyq jáne kásiptik, joǵary bilim berý baǵdarlamalaryn júzege asyratyn joǵary oqý oryndaryna túsetin (oqıtyn) azamattarǵa (áskerı qyzmetshilerge);

— áskerı kafedralar men fakýltetterge túsetin jáne oqıtyn azamattarǵa;

— qatardaǵy jáne serjanttar quramynan, sondaı-aq áskerı ataǵy joq áıelder arasynan kelisimshart boıynsha áskerı qyzmetke túsý kezinde;

— qordaǵy qatardaǵy jáne serjanttar quramynan rezervtegi áskerı qyzmetke túsý kezinde;

— rezervtegi áskerı qyzmetti qatardaǵy jáne serjanttar laýazymdarynda ótep júrgen áskerı qyzmetshilerge;

— Qorǵanys mınıstrliginiń mamandandyrylǵan uıymdarynda áskerı-tehnıkalyq jáne ózge de mamandyqtar boıynsha aqyly negizde daıyndyqqa iriktelgen azamattarǵa;

— merzimdi qyzmettegi áskerı qyzmetshilerge;

— kelisimshartqa qol qoıylǵanǵa deıin joǵary oqý ornynyń kýrsanttary men kadetterine;

— áskerı jıyndarǵa shaqyrylǵan qordaǵy qatardaǵy jáne serjanttar quramyna, olardy esepke alý maqsatynda.

III grafa

— qordaǵy ofıtserlerge — áskerı qyzmetke shaqyrylý jáne kelisimshart nemese rezervtegi áskerı qyzmetke túsý kezinde;

— rezervtegi áskerı qyzmetti ofıtser laýazymdarynda ótep júrgen áskerı qyzmetshilerge;

— kelisimshart boıynsha qyzmet ótkerip júrgen áskerı qyzmetshilerge;

— shaqyrý boıynsha áskerı qyzmet ótkerip júrgen ofıtserlerge;

— joǵary oqý oryndarynda joǵary oqý ornynan keıingi bilim berý baǵdarlamalary boıynsha oqýǵa túsetin áskerı qyzmetshilerge;

— áskerı qyzmet ótkerý týraly kelisimshartqa qol qoıǵannan keıingi kýrsanttarǵa (kadetterge);

— áskerı jıyndarǵa shaqyrylǵan qordaǵy ofıtserlerge, olardy esepke alý maqsatynda.

IV grafa

— kelisimshart jáne rezervtegi áskerı qyzmetti ótkerip júrgen nemese oǵan túsken áskerı qyzmetshilerge, desanttyq-shabýyldaý áskerlerinde (DShÁ), áskerı-teńiz kúshterinde (ÁTK), arnaıy maqsattaǵy bólimderde (AMB) qyzmet etetin shaqyrý boıynsha ofıtserlerge — bul talaptar arnaıy maqsattaǵy bólimderge, teńiz jaıaý áskerlerine, desanttyq-shabýyldaý jáne barlaý bólimshelerine, jaýynger júzgishter men súńgýirler quramyna, sondaı-aq kemeler men teńiz kólikteriniń ekıpajdaryna qatysty;

— tankter men basqa da mashınalardy sý astynda júrgizýge jáne teńizge shyǵýǵa tartylatyn áskerı jıyndarǵa shaqyrylǵan azamattarǵa.

Jaramdylyq sanattary:

A — áskerı qyzmetke jaramdy;

B — áskerı qyzmetke shamaly shekteýlermen jaramdy;

V — áskerı qyzmetke shekteýli jaramdy (kelisimshart nemese rezervtegi qyzmet ótkerýshilerge, shaqyrylǵan ofıtserlerge qatysty);

G — ýaqytsha jaramsyz;

D — beıbit ýaqytta jaramsyz, soǵys ýaqytynda shekteýli jaramdy;

E — áskerı esepten shyǵarylyp, áskerı qyzmetke jaramsyz;

JZ — jeke áskerı-eseptik mamandyqtar boıynsha Qazaqstan Respýblıkasy Qarýly Kúshteriniń túrleri men ásker tekterindegi, sondaı-aq basqa da áskerleri men áskerı quralymdaryndaǵy áskerı qyzmetke jaramsyz, áskerı oqýǵa túsýge jaramsyz, zııandy faktorlarmen áskerı qyzmetke jaramsyz;

V-DERB — Qazaqstan Respýblıkasynyń Qarýly Kúshi, basqa da áskerı qurylymdaryndaǵy qyzmetke jaramdylyǵy derbes aıqyndalady jáne B nemese V jaramdy;

DERB — jeke áskerı-eseptik mamandyqtar boıynsha Qazaqstan Respýblıkasy Qarýly Kúshteriniń túrlerindegi jáne ásker, sondaı-aq basqa da áskerı qurylymdaryndaǵy zııandy faktorlarmen qyzmetke jaramdylyǵy derbes aıqyndalady.

Merzimdi áskerı qyzmetshiler úshin «B» jaramdylyq sanaty desanttyq-shabýyldaý áskerlerinde jaramsyz.

«G» jaramdylyq sanaty kelisimshart boıynsha áskerı qyzmet etýge, áskerı oqýǵa túsýge jaramsyz, al V, D, jáne E jaramdylyq sanattary áskerı oqýǵa jáne mektepterde bilim alýǵa jaramsyz.

Buıryq 2025 jylǵy 21 shildede kúshine enedi. 

Aıta ketelik elimizde sarbazdarǵa kredıt berýge tyıym salý mehanızmi ázirlengen edi.