Áskerge shaqyrylǵandardy kósheden ustap áketýge tyıym saldyq — Qarýly kúshterdiń Bas shtab ókili

ASTANA. KAZINFORM – QR Qarýly kúshteri Bas shtaby Uıymdastyrý-jumyldyrý jumysy departamenti bastyǵynyń orynbasary Farhat Aıdarbaev ortalyq kommýnıkatsııalar qyzmetinde ótken baspasóz máslıhatynda áskerge kósheden ustap áketýge tolyqtaı tyıym salynǵanyn málim etti. 

BAQ ókili áskerge shaqyrylǵandardy kósheden ustap áketýge qashan tyıym salynatynyn surady.

— Bul taqyrypqa birneshe ret brıfıng te ótkizgen bolatynbyz. Bıyl jergilikti atqarýshy organdardyń áskerı basqarmalaryna áskerge shaqyrylǵandardy kóshelerden, oıyn oryndarynan, qoǵamdyq oryndardan ustap áketýge tyıym saldyq. Osy týraly mınıstrdiń buıryǵy bar. Al biz buıryqty talqylamaımyz, oryndaımyz, — dedi Farhat Aıdarbaev.

Sondaı-aq, ol áskerden jaltarǵandar 1 jyl sottalýy múmkin ekenin eskertti. Sonymen qatar Shetelde qashyqtan bilim alý áskerden jaltarýǵa negiz bola almaıdy.