Áskerge shaqyrylǵan sarbaz boryshyn óteıtin áskerı bólimdi ózi tańdaı ala ma

ASTANA. KAZINFORM – QR Qarýly kúshteri Bas shtaby Uıymdastyrý jáne jumyldyrý jumystary departamenti Áskerge shaqyrý jáne áskerden tys jumystar basqarmasynyń aǵa ofıtseri Dáýrenbek Shegebaev áleýmettik jelide tikeleı efırge shyǵyp, azamattardy merzimdi áskerı qyzmetke shaqyrý tártibin túsindirdi.

- Áskerge shaqyrtý alǵan sarbaz boryshyn óteıtin áskerı bólimdi ózi tańdaı ala ma? Mysaly, ol ózi týǵan ólkedegi bólimdi boryshyn ótegisi kelse, ruqsat etile me, - degen suraq qoıyldy efır barysynda.

Qarýly kúshterdiń Bas shtab ókili zańda ondaı jeńildik qarastyrylmaǵanyn aıtty.

- Álbette, zańnamada ondaı múmkindik qarastyrylmaǵan. Birinshi áskerı komıssııa ár sarbazdy iriktep, zerdeleıdi. Sol kezde onyń alǵan bilim sanatyna, densaýlyq jaǵdaıyna, jeke basynyń qasıetterine qarap komıssııa mamandary jan-jaqqa bóledi. ıAǵnı, áskerı bólimdi sarbazdyń ózi tańdaý degen másele qarastyrylmaǵan. Biraq meniń bilýimshe, keıde komandalardyń áskerı bólimderi jekelegen sheshimder qabyldap jatady. Ondaı sırek bolady, - dedi ol.

Degenmen Qorǵanys mınıstrligi bul baǵytta birqatar ózgeristerdi synaqtan ótkizip jatqan kórinedi.

- Joǵarǵy basshylyqtyń qoıǵan talaby boıynsha sońǵy shaqyrylymdarda áskerı boryshty aımaqtyq prıntsıp boıynsha atqarý durys dep esepteledi. Ondaı betburys bar. Qazir jergilikti áskerı basqarý organdary osy prıntsıpke birtindep kóship keledi, - dedi Qarýly kúshterdiń aǵa ofıtseri.

Eske salsaq, Memleket basshysy Qasym-Jomart Toqaev jýyqta ǵana áskerı qyzmetke shaqyrý týraly Jarlyqqa qol qoıǵan edi.