Áskerge deıingi daıyndyq máselesin zertteý kerek - N. Nazarbaev
A. Qarashanyń 13-i. QazAqparat /Qanat Mámetqazyuly/ ‑ Elimizde bir kezderi qoldanylǵan áskerge deıingi daıyndyq máselesin zertteý kerek.
Búgin Qazaqstan Respýblıkasynyń Prezıdenti Nursultan Nazarbaev respýblıkalyq telearnalar boıynsha ótip jatqan tikeleı jelide el azamattarynan kelip túsken suraqtarǵa jaýap berý barysynda osylaı málim etti, dep habarlaıdy QazAqparat.
Elbasynyń atyna joldanǵan saýaldarda elimizdiń áskerı qyzmeti, qorǵanys salasy jáne Qazaqstan armııasy máseleleri de qamtylypty. Osy mazmundas bir suraqta elimizdiń árbir oblysynda áskerge shaqyrylatyndar úshin áskerı qyzmet týraly oqytatyn alǵashqy daıyndyq qosyndaryn ashý jaıynda suraǵan eken.
«Bul - óte mańyzdy saýal. Qazaqstannyń Qarýly kúshteri, bul - táýelsizdigimiz ben elimizdiń qaýipsizdigi. Táýelsizdikti qorǵap, saqtaý kerek. Sondyqtan da, Joǵarǵy Bas Qolbasshy retinde jáne ózimniń konstıtýtsııalyq mindetterime sáıkes, men qorǵanys máselesimen jiti aınalysyp kelemin. Al áskerge daıyndyq qosyndaryna keletin bolsaq, bul bir kezderi qoldanylǵan óte jaqsy ádis bolatyn. ıAǵnı, bir jyldary áskerge shaqyrylǵanǵa deıin osyndaı alǵashqy daıyndyqtan ótetinbiz. Bul máseleni zertteý kerek. Eger qajet bolsa, buǵan qaıtyp oralýǵa da bolady», dedi Elbasy.
