Áskerge barýǵa mindettilerdi arnaýly jıyndarǵa shaqyrý bastalady

NUR-SULTAN. QazAqparat – UQK Shekara qyzmetiniń áskerı mindettilerdi áskerı jıyndarǵa shaqyrý týraly buıryǵy jarııalanady. Osyǵan baılanysty bıyl áskerı jıyndarǵa 150 boryshkerdi shaqyrý josparlanǵan, dep habarlaıdy QazAqparat tilshisi.

«Atalǵan áskerı jıyndy UQK Shekara qyzmeti 2022 jyly 30 kúndik merzimde, budan ári jyl saıyn ótkizýdi josparlap otyr. Áskerı jıyn kezeńinde mindettilerdiń jumys orny men laýazymy saqtalady. Olarǵa memleket esebinen ortasha jalaqy, al jumys istemeıtinderge - eń tómengi jalaqy tólenedi» delingen qujatta.

Buıryq 20 maýsymda kúshine enedi. Qujatta kórsetilgendeı áskerı jıyndardan jaltarǵan azamattarǵa 5 AEK mólsherinde aıyppul salynady.