Áskerge barý merzimin qandaı jaǵdaılarda keıinge qaldyrýǵa bolady
Buǵan deıin Ranking.kz habarlaǵandaı, tórt jylda áskerge shaqyrylǵandardyń 15,8 paıyzy ǵana alynǵan.
Osy oraıda QR Qorǵanys mınıstrligi QazAqparat agenttiginiń saýalyna bergen jaýabynda áskerge barý merzimin qaı jaǵdaılarda keıinge qaldyrýǵa bolatynyn túsindirdi. Sonymen qatar, qorǵanys vedomstvosynyń mamandary áskerden jaltaryp júrgenderdiń portretin sıpattap berdi.
«QR Prezıdentiniń Jarlyǵyna sáıkes, 2022 jyly Qarýly kúshterdiń, basqa da áskerler men áskerı quralymdardyń qataryna 35 myńnan astam adamdy shaqyrý josparlanǵan. Onyń ishinde kóktemde 17 myńǵa jýyq adam shaqyrylsa, kúzde 18 myńnan astam adam ásker qataryna keledi dep josparlanyp otyr», - delingen Qorǵanys mınıstrligi baspasóz qyzmetiniń málimetinde.
Vedomstvo derekterine qaraǵanda, qoldanystaǵy zańnamaǵa sáıkes Qarýly kúshter, basqa da áskerler men áskerı quralymdar qajet kólemde jasaqtalady. Áskerge shaqyrylatyndar sanyn qysqartý úrdisi baıqalyp otyrǵan joq. Máselen, 2017 jyldan beri ásker qataryna 165 myńnan astam adam shaqyryldy.
Qorǵanys mınıstrligi áskerden jaltaryp júrgen merzimdi áskerı qyzmetshiniń portretin jasady.
Merzimdi áskerı qyzmetke 18-den 27 jas aralyǵyndaǵy er azamattar shaqyrylady. Osy oraıda mindetti áskerı qyzmetten jaltarǵan jastar osy jas aralyǵynda bolady. Turǵylyqty jeri boıynsha jergilikti áskerı basqarý organynyń laýazymdy adamynyń shaqyrýy boıynsha 18-den 27 jas aralyǵyndaǵy azamattar kelmeı jatady. ıAǵnı olardyń keıbirinde áskerden bosatýǵa qatysty dáleldi sebepter bolmaı jatady. Bul azamattar aýdandyq (qalalyq, oblystyq mańyzdaǵy qalanyń) qundylyqtar) shaqyrý komıssııasynan ótýi tıis.
Qazirgi kezde keıbir jastar ishki jáne syrtqy kóshi-qon múmkindikteri arqyly áskerden jaltaryp keledi.
Áskerı qyzmetshilerdiń mártebesi týraly Zańnyń 35-babyna sáıkes, densaýlyq jaǵdaıy boıynsha merzimdi áskerı qyzmetke shaqyrýdy keıinge qaldyrý komıssııa sheshimimen bir jylǵa deıingi merzimge shegeriledi. Áskerı qyzmetke jaramsyzdyǵyn jáne ýaqytsha jaramsyzdyǵyna áser etetin aýrýlardyń negizgi toptaryna ishki aǵzanyń derti, hırýrgııalyq aýrýlar, kórý organdarynyń indeti jatady.
Sonymen qatar, «Áskerı qyzmet jáne áskerı qyzmetshilerdiń mártebesi týraly» Zańnyń 36-babyna sáıkes, azamattar beıbit ýaqytta áskerı qyzmetke shaqyrýdan:
- densaýlyq jaǵdaıy boıynsha áskerı qyzmetke jaramsyz dep tanylǵan;
- jıyrma jeti jasqa tolǵan, zańdy negizder boıynsha merzimdi áskerı qyzmetke shaqyrylmaǵan;
- týystarynyń biri (ákesi, anasy, aǵa-inileri nemese apa-sińlileri) áskerı qyzmet ótkerý kezeńinde qyzmettik mindetterin atqarý kezinde qaza tapqan, qaıtys bolǵan nemese oǵan birinshi nemese ekinshi toptaǵy múgedektik belgilengen;
- basqa memlekette áskerı (balamaly) qyzmet ótkergen;
- Qazaqstan Respýblıkasynyń arnaýly memlekettik organdarynda qyzmet ótkergender;
- ǵylymı dárejesi bar azamattar;
- tirkelgen dinı birlestikterdiń din qyzmetkerleri bosatylady.
Sottylyǵy bar azamattar beıbit ýaqytta áskerı qyzmetke shaqyrylýǵa jatpaıdy.
Búginde áskerı qyzmetke shaqyrýdy keıinge qaldyrý jáne bosatý jónindegi máseleler memlekettik qyzmet kórsetý formatynda, ıaǵnı «elektrondyq úkimettiń» www.egov.kz veb-portaly arqyly júzege asyrylady.
Aıta keteıik, áskerge shaqyrý naýqany 31 jeltoqsanǵa deıin jalǵasady.
