Áskerge barmaǵandar arnaıy daıyndyqtan ótip, áskerı bılet ala alady - QR Qorǵanys mınıstrligi
ASTANA. 12 sáýir. QazAqparat - Ásker qatarynda bolmaǵan azamattar arnaıy daıyndyqtan ótip, áskerı bılet ala alady. Bul týraly búgin Astanada ótken baspasóz máslıhatynda QR Qorǵanys mınıstrliginiń baspasóz hatshysy Qaısar Muǵalov málim etti.
«Ol úshin arnaıy áskerı-tehnıkalyq ýchılışeler qurylyp jatyr. Sol jerde san alýan sebepterge baılanysty ásker qatarynda bolmaǵan azamattar arnaıy daıyndyqtan ótip, áskerı rezervke qabyldanady», - deıdi Q.Muǵalov. Onyń sózine qaraǵanda, kúzge qaraı oqýǵa qabyldaý naýqany bastalady. «Osydan keıin 22-27 jas aralyǵyndaǵy er azamattar memlekettik tapsyrys jáne jeke qarjysyna oqyp, áskerı bılet ala alady. Bul jumystyń negizgi maqsaty - mobıldi rezervti ulǵaıtý», - deıdi mınıstrliktiń baspasóz hatshysy.
