Áskerden jaltarý úshin jalǵan anyqtama jasaǵandar anyqtaldy

ASTANA. QazAqparat – Ortalyq kommýnıkatsııalar qyzmetindegi brıfıngide Qorǵanys mınıstriniń orynbasary Darhan Ahmedıev áskerı mindetin oryndaýdy keıinge qaldyrý úshin jalǵan anyqtama jasaǵandar anyqtalǵanyn aıtty, dep habarlaıdy QazAqparat tilshisi.

«Men buǵan deıin 1 naýryzdan bastap oqý oryndaryndaǵy 300 myńnan astam oqýshyǵa avtomatty rejımde shaqyrýdy keıinge qaldyrý týraly málimdegenimdeı, kóktemgi shaqyrý kompanııasynyń qorytyndysy da óziniń tıimdiligin kórsetti. Sonymen qatar, jaǵymsyz jaqtary da anyqtaldy, olardy joıý bolashaqta osy jumystyń nátıjelerine oń áser etedi. Mysaly, oqý týraly jalǵan anyqtamalardy usyný jaǵdaılary anyqtaldy. Olardyń negizinde belgili bir syıaqy úshin osyndaı anyqtamalardy berý boıynsha zańsyz qyzmetpen aınalysatyn adamdar anyqtaldy. Bul aqparat quzyretti organdarǵa berildi. Qazir sotqa deıingi tergeý amaldary júrip jatyr», - dep málim etti Darhan Ahmedıev.

Spıker atap ótkendeı, bir mezgilde ár túrli óńirlerdegi eki joǵary oqý orynda oqıtyn azamattar anyqtalǵan. Darhan Ahmedıevtiń dereginshe, bul máseleler Ǵylym jáne joǵary bilim mınıstrligimen talqylanyp, sheshý joldary qarastyrylǵan.