Áskerden keıin tegin oqýǵa múmkindik alǵan qazaqstandyqtardyń tizimi jarııalandy
ASTANA. KAZINFORM — Qorǵanys mınıstrliginiń saıtynda merzimdi áskerı qyzmet ótkergen azamattarǵa arnalǵan memlekettik bilim berý granttary ıegerleriniń tizimi jarııalandy.
Іrikteý «Sarbaz 2.0» tsıfrlyq júıesi arqyly júrgizildi. Nátıjesinde 2026 jylǵy sáýirde zapasqa shyǵarylǵan 1000-nan astam qazaqstandyq joǵary oqý oryndarynda tegin bilim alý múmkindigine ıe boldy.
2023 jyly iske qosylyp, zańnamalyq turǵyda bekitilgen joba JOO-ǵa UBT tapsyrmaı, áńgimelesý nátıjesi boıynsha túsýge múmkindik beredi. Jaýyngerlik daıarlyqta úzdik nátıje kórsetkender jataqhanamen jáne stıpendııamen qamtamasyz etiledi.
Granttardyń bólinýi:
▪️ Qorǵanys mınıstrligi — 492
▪️ Ulttyq ulan — 493
▪️ UQK Shekara qyzmeti — 112
▪️ TJM — 28
▪️ Memlekettik kúzet qyzmeti — 29
«Sarbaz 2.0» — jastar úshin bilim alýǵa jáne kásibı damýǵa jol ashatyn tıimdi áleýmettik múmkindik.
Memlekettik bilim berý granttary ıegerleriniń tizimi myna silteme arqyly ótip bile alasyzda.
