Áskerdegi jaýyngerlik daıarlyq júıesin jetildirý kerek - Prezıdent

ASTANA. QazAqparat – Búgin elordada Búkilarmııalyq keńestiń otyrysynda Memleket basshysy Qasym-Jomart Toqaev áskerdegi qyzmettik jáne jaýyngerlik daıarlyq júıesin jetildirýdi tapsyrdy, dep habarlaıdy QazAqparat tilshisi.

Osy oraıda Memleket basshysy jaýyngerlik is-qımyl tásilderi turaqty ári tereń taldaýdan ótip turýy kerek ekenin aıtty.

«Qazirgi halyqaralyq tájirıbeni tyńǵylyqty zerttep, ozyq tájirıbeni elimizde belsendi túrde iske asyrý kerek», - dedi Qasym-Jomart Toqaev.

Prezıdent qazirgi jaýyngerlik urys tásilderi aıasynda bólimshelerdiń daıyndyǵyna, sondaı-aq kishi ári orta býyn komandırleriniń kásibı daıyndyǵyna joǵary talaptar qoıylyp otyrǵanyn aıtty. Sarbazdar men ofıtserler qabyldaǵan sheshimderi úshin jaýapkershilikten qoryqpaýy kerek.

Memleket basshysy jeke quramdy sapaly daıarlaýdyń negizgi sharttarynyń biri damyǵan polıgon ınfraqurylymyn jasaqtaýǵa qatysty ekenin atap ótti. Óıtkeni jaýyngerler daıarlyǵynda áskerı polıgondardyń orny erekshe. Sonymen qatar bul salada túrli trenajerlerdi keńinen qoldaný tapsyryldy.

Budan buryn habarlanǵandaı, Memleket basshysy Qasym-Jomart Toqaevtyń qatysýymen ótetin Búkilarmııalyq keńestiń otyrysy bastaldy.

Prezıdent otandyq qorǵanys ónerkásibinde shyǵarylatyn ónimder qataryn keńeıtýdi tapsyrdy.