Áskerdegi oqý memlekettik tilde bolýy kerek - Baqytjan Ertaev

ASTANA. 3 qazan. QazAqparat - Áskerı kýrsanttardy oqytý orys tilinde emes, memlekettik tilde júrgizilýi tıis, dep esepteıdi QR Parlamenti Májilisiniń depýtaty Baqytjan Ertaev.

"Derekterge súıensek, qazirgi kezde kýrsanttardyń 95 %-y tıtýldyq ult ókilderi bolyp tabylady. Alaıda áskerı ýchılışelerdegi oqýdyń barlyǵy orys tilinde ótedi. Biz osy másele qashan kóteriletinin áli kútip júrmiz. Áskerı ǵalymdarymǵa qazirden bastap oqý úderisin qazaq tiline aýdarý qajet", - dedi ol búgin QR Qorǵanys mınıstrliginde ótken Májilistiń Halyqaralyq ister, qorǵanys jáne qaýipsizdik komıtetiniń kóshpeli otyrysy barysynda.

Sondaı-aq halyq qalaýlysy kúnnen-kúnge qaýip-qateri artyp otyrǵan búgingi zamanda áskerı-materıaldyq baza ýaqyt talabyna jaýap bere alatyndaı bolýy shart ekenin erekshe atap ótti.