Áskerdegi tártip buzýshylyqtyń 70-80% beınebaqylaý kamerasynyń kómegimen anyqtalady

ASTANA. KAZINFORM – Elimizdegi áskerı bólimderde beınebaqylaý kameralary ornatylǵan, biraq sany jaǵynan áli jetkiliksiz. Bul týraly QR Qarýly kúshteri Qurlyq áskerleri bas qolbasshysynyń birinshi orynbasary – Bas shtab bastyǵy general-maıor Qýanyshbek Úshtaev aıtyp berdi.

- Qazir áskerı bólimderde beınebaqylaý kameralary ornatylǵan. Olar jeke quramnyń jatyn jaılarynda, kezekshiler otyratyn jerde, qarý-jaraq qoımalarynda jáne jeke quram kóp shoǵyrlanatyn jerlerde qoıylǵan. Árıne, beınebaqylaý kameralarynyń sany jetkiliksiz. Bul baǵytta bólim komandırleri tıisti jumysty istep jatyr. Áskerı bólimderdegi beınebaqylaý kameralarynyń kómegi arqyly quqyq buzýshylyqtyń 70-80% anyqtalady, - dedi Qýanysh Úshtaev ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, sarbazdar júretin barlyq jerde beınebaqylaý kamerasyn ornatý múmkin emes.

Aıta ketsek, bir apta buryn Saryózekte (Jetisý oblysy) qatardaǵy jaýynger oqý-jattyǵý kezinde mert boldy.

Buǵan deıin áskerde sarbazdardan aqsha jınaý máselesi týraly jazǵan bolatynbyz.