Áskerdegi nemese aýrýhanadaǵy azamattar qalaı daýys beredi
ASTANA. KAZINFORM — Referendým kúni erekshe saılaý ýchaskeleri de jumys isteıdi. Bul jóninde QR Ortalyq referendým komıssııasy málimdedi.
Komıssııa málimetinshe, mundaı sanatqa áskerı bólimder, aýrýhanalar, perzenthanalar t. b. nysandarda ashylatyn ýchaskeler jatady. Olardyń jalpy sany — 622.
Buǵan deıin habarlaǵanymyzdaı, referendým kúni daýys berýshiler tirkelgen mekenjaıy boıynsha ýchaskege barýy tıis. Eger azamat turǵylyqty mekenjaıy boıynsha ýchaskege kelip, tizimnen ózin tappasa, onda qyzmetkerler kómegine júgingeni jón. Jaýapty mamandar onyń tirkelgen mekenjaıy boıynsha ýchaskesin anyqtap beredi.
Elimizdegi 10 402 ýchaskeniń jartysynan astamy mundaı qyzmetti kórsete alady.
Aıta ketelik tirkeýi joq azamattar referendýmǵa qalaı qatysatyny týraly jazǵan edik.