Áskerdegi álimjettik: Prezıdent Ulttyq ulan sarbazyna qatysty oqıǵany baqylaýyna aldy
ASTANA. KAZINFORM - QR Prezıdentiniń keńesshisi – Prezıdenttiń Baspasóz hatshysy Berik Ýálı Memleket basshysynyń áskerdegi álimjettikke qatysty Іshki ister mınıstrine shuǵyl tapsyrma júktegenin málimdedi.
Jazbaǵa qaraǵanda, Prezıdent belgisiz adamdardyń Ulttyq ulan sarbazyn poıyz tambýrynda urǵany taspalanǵan beınematerıalmen tanysyp shyqqan.
«Memleket basshysy Іshki ister mınıstri Erjan Sádenovke qaskóılerdi ustap, zańnamaǵa sáıkes jaýapqa tartý úshin shuǵyl sharalar qabyldaýdy tapsyrdy. Áskerdegi jáne basqa da kúshtik uıymdardaǵy zorlyq-zombylyqtyń barlyq faktisi Prezıdentke baıandalady. Mundaı jaǵdaılar baqylaýǵa alynady», — delingen jelidegi aqparatta.
Berik Ýálı Qasym-Jomart Toqaevtyń bıylǵy 2 qyrkúıektegi Joldaýynda jas sarbazdardyń densaýlyǵy men abyroı-bedeline qol suǵýǵa jol bermeý qajet ekenine nazar aýdarǵanyn eske salady. Onda Prezıdent bul máselege áskerı qurylymdardyń basshylary tikeleı jaýapty ekenin aıtqan bolatyn.
