Áskerde júrgen sarbazdyń nesıesin toqtatý úshin ata-ana ne isteý kerek – mınıstrlik jaýaby

ASTANA. KAZINFORM – Áskerde júrgen sarbazdyń nesıesin toqtatý úshin ata-ana ne isteý kerek? QR Qarýly kúshteri Bas shtaby Uıymdastyrý jáne jumyldyrý jumystary departamenti Áskerge shaqyrý jáne áskerden tys jumystar basqarmasynyń aǵa ofıtseri Dáýrenbek Shegebaev áleýmettik jelidegi tikeleı efırde osyndaı suraqqa jaýap berdi.

- Áskerge shaqyrtylǵan azamattardyń nesıesi avtomatty túrde toqtatylady. Mysaly, áskerı qyzmetshi jergilikti áskerı basqarý organy basshysynyń buıryǵy shyqqannan keıin Birinshi nesıelik bıýroǵa aqparat túsedi. Sol sátten bastap nesıe tólemin esepteý toqtatylady. Ata-analar jaǵynan eshqandaı áreket talap etilmeıdi. Bári avtomatty túrde toqtatylady. ıAǵnı, ata-ananyń dál osy másele úshin áskerı komıssarıatqa barýynyń qajeti joq. Birinshi nesıelik bıýroǵa aqparat túskennen keıin ekinshi deńgeıli bankterge málimet birden joldanady, - dedi aǵa ofıtser.

Sondaı-aq, kezekti áskerge shaqyrý maýsymy bıyl kúzde bastalatynyn eske saldy.

- 13 aqpanda QR Prezıdentiniń Jarlyǵy shyqty. Atalǵan qujat boıynsha merzimdi áskerı qyzmetin atqarǵan azamattar naýryz-maýsym aralyǵynda ásker qatarynan bosatylyp, qyrkúıek-jeltoqsan aralyǵynda jańa lek shaqyrtylady, - dedi Dáýrenbek Shegebaev.

Eske salsaq, Memleket basshysy Qasym-Jomart Toqaev jýyqta ǵana áskerı qyzmetke shaqyrý týraly Jarlyqqa qol qoıǵan edi.