Ásker týraly feık bir jyldan keıin qaıta tarady
ASTANA. KAZINFORM — Byltyr qyrkúıekte Ortalyq jalǵan aqparatty teriske shyǵarǵanyna qaramastan, áleýmettik jelilerde anonımdi akkaýnttar Qarýly kúshterge qatysty kadrlardy shynaıy oqıǵalar retinde kórsetip, qaıta taratyp jatyr.
— Atap aıtqanda, Threads áleýmettik jelisiniń paıdalanýshylary «Qyrǵyzfılm» kınostýdııasynyń «Batken» kórkem fılminen alynǵan úzindilerdi shynaıy kadrlar retinde jappaı jarııalaǵan. Bul rette beınematerıaldarǵa emotsıonaldy sıpattaǵy pikirler men destrýktıvti úndeýler qosylyp, olardyń taralýy paıdalanýshylardy jańylystyryp, áleýmettik shıelenistiń artýyna yqpal etýi múmkin, — deıdi ortalyq mamandary.
Jalǵan aqparatqa qarsy is-qımyl ortalyǵy paıdalanýshylardy osyndaı aqparattyq manıpýlıatsııalardyń taralý quralyna aınalmaýǵa shaqyrady.
— Jalǵan jáne kórineý jalǵan aqparatty taratý zańnamada belgilengen jaýapkershilikke ákep soǵýy múmkin ekenin eske salamyz. Tekserilmegen aqparatty taratpańyz. Faktilerdi tekserip, qoǵamdyq pikirdi manıpýlıatsııalaýǵa jol bermeńiz, — dep eskertti olar.
Osyǵan deıin Qorǵanys mınıstrligi áleýmettik jelilerde merzimdi áskerı qyzmettegi matrostar Ahmetov A.A. men Maǵaýııa Á.A. týraly taralyp jatqan aqparatqa qatysty túsinikteme berdi.
