Ásker qataryna shaqyrý naýqany bastaldy
ASTANA. Sáýirdiń 1-i. QazAqparat - Búgin Qazaqstanda ásker qataryn shaqyrýdyń kóktemgi naýqany bastaldy.
Oǵan Elbasy qol qoıǵan «Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2010 jyldyń sáýir-maýsymynda jáne qazan-jeltoqsanynda kezekti merzimdi áskerı qyzmetke shaqyrý týraly» Jarlyǵy negiz bolyp otyr.
Qorǵanys isteri jónindegi departamentter men basqa da áskerı basqarma organdarynyń qyzmetkerleri úsh aı boıy azamattardy merzimdi áskerı qyzmetke shaqyrý jumystaryn júrgizedi, dep habarlaıdy qorǵanys mınıstrliginiń baspasóz qyzmetinen.
Josparǵa sáıkes, bıylǵy kóktemde Qazaqstannyń Qarýly kúshteriniń qataryna 6 myńnan astam azamat áskerı qyzmetke shaqyrylady, bul byltyrǵy kóktemgi naýqanmen salystyrǵanda 10 paıyzǵa az. Bul, el basshylyǵynyń armııany ári qaraı kásibılendirý jónindegi josparyna baılanysty kelisimshart boıynsha qyzmetke alynatyn áskerı qyzmetkerlerdiń qatarynyń kóbeıýmen baılanysty.
