Ásker barysy Marat Baıqamurov «Qazaqstan Barysy – 2025» týrnırinde top jardy
ASTANA. KAZINFORM – Astanadaǵy Qazaq kúresinen «Qazaqstan Barysy – 2025» týrnıriniń jeńimpazy belgili boldy.
2024 jylǵy «Qazaqstan barysy» Erasyl Qajybaev fınaldyq beldesýde ásker barysy Marat Baıqamurovpen beldesti.
Aqtyq beldesýdiń ekinshi mınýtynda Marat qarsylasynyń osal tusyn taýyp, taza jeńiske qol jetkizdi.
Aıta keteıik, Erasyl jartylaı fınalda týrnırdiń basty favarıty sanalǵan «Qara býra» laqap atymen tanymal Nurdáýlet Jarylǵapovty jarys jolynan shyǵardy. Al Marat Aqtóbe oblysynyń ókili Erasyl Amangeldini san soqtyrdy.
Úshinshi oryn úshin beldesýde, «Qara býra» Aqtóbe oblysynyń ókili Erasyl Amangeldini taza jeńdi. Osylaısha, Nurdáýlet «Qazaqstan barysy» jobasynyń úsh dúrkin qola júldegeri ataǵyna qol jetkizdi.
Buǵan deıin Jaqsylyq Úshkempirov atyndaǵy jekpe-jek saraıynda qazaq kúresinen Respýblıka kúnine oraı «Qazaqstan Barysy – 2025» týrnıri ótip jatqanyn jazǵanbyz.
