Asqazanyna esirtki salyp ótkizbek bolǵan ózbekstandyq azamat ustaldy
ASTANA. QazAqparat - Saryaǵash shekara otrıadyna qarasty «Jibek joly - avto» baqylaý-ótkizý beketiniń shekara narıady shekaralyq baqylaý júrgizý kezinde olardyń qyzmettik ıti 30 jastaǵy Ózbekstan azamatynyń qasyna kelgende yryldap qoıa berdi.
Bul - atalǵan azamattyń boıynda esirtki bar degen sóz. Tergeý kezinde álgi azamat asqazanynda esirtkilik zattyń bar ekendigin moıyndady, dep habarlaıdy QR UQK ShQ baspasóz qyzmeti. Aıtýyna qaraǵanda, esirtkilik zat - marıhýanany kólemi bir santımetrlik bolatyn 6 dana dóńgelek polıetılendi qaǵazǵa orap, jutyp jiberipti.
Atalǵan derek boıynsha Saryaǵash garnızonyndaǵy quqyq qorǵaý organdary habarlandyryldy.
