Asqazanyna 1 keli geroın salyp alyp, Qazaqstanǵa kirgen sheteldikter ustaldy
AQTAÝ. KAZINFORM — Ulttyq qaýipsizdik komıteti Qazaqstanǵa esirtki jetkizýdiń kezekti kontrabandalyq arnasynyń jolyn kesti. Olardy «jutqyshtar» dep ataıdy.
21 aqpanda Aqtaý halyqaralyq áýejaıynda Mańǵystaý oblysy boıynsha UQKD jedel ýákilderi men shekarashylar ETD qyzmetkerlerimen birge esirtki tasymaldaý kúdigi boıynsha eki sheteldik azamatty ustady.
Rentgenoskopııalyq zertteý olardyń ish qýysynda bógde zattyń baryn kórsetti.
Arnaıy medıtsınalyq protsedýra arqyly sheteldikterdiń azqazanynan geroın jáne sıntetıkalyq esirtki bar 30-dan astam konteıner alyndy.
Alynǵan zattyń jalpy salmaǵy shamamen 1 kg boldy.
Sot sheshimimen fıgýranttar qamaldy.
Qylmystyq kodekstiń 286-baby 4-bóligi boıynsha sotqa deıingi tergeý bastaldy.
Ózge aqparat Qylmystyq-protsestik kodekstiń 201-baby 1-bóligine sáıkes jarııalanbaıdy.
