Asqazandaǵy bóten zatty alyp shyǵatyn shaǵyn robot jasaldy

ASTANA. QazAqparat - AQSh-tyń Massachýset tehnologııalyq ınstıtýtynyń (MIT) professory Danıel Rastyń (Daniela Rus) komandasy Japonııadaǵy áriptesterimen birlesip medıtsınalyq shaǵyn robot jasap shyǵardy. Medıtsınalyq mıkro apparat Halyqaralyq robot tehnıkasy jáne avtomattandyrý konferentsııasynda tanystyryldy.

«Adamnyń ishki qurylystaryna paıdalaný úshin bizge kishkentaı, symsyz basqarylatyn robottyq júıe qajet, - deıdi Danıel Ras. - Symmen jalǵanǵan robotty deneniń qajetti bóligine jetkizý jáne baqylaý kúrdelirek».
Avtorlar jańa apparatty jasaýǵa túrli materıaldardy baıqap kórgen. Olar ázirge shujyq oraıtyn dońyz ishegin paıdalanýda.
Mıkroapparat qajetti jerge jetkizý úshin ony muz túıirge qatyrylyp, ony patsıent jutady. Erigen kezde apparat bosap, qalypty mólsherge deıin tiktelip, ortalyqtan basqarylatyn turaqty magnıt kómegimen, orıgamı sekildi, búktelip-jazylyp qozǵalady. Ǵalymdar syrttan magnıt qoıyp onyń qozǵalysyn syrttaı basqarady.
Medıtsınalyq appparat lımon qyshqyly qosylǵan sý toltyrylǵan jasandy sılıkon asqazanda synaldy. Magnıt órisimen basqarylatyn shaǵyn robot «asqazandaǵy» túıme batareıaǵa sátti jetip, ony magnıtpen ustap, syrtqa alyp shyqty.