Asqazan jarasynyń qaterli isikke aınalmaýy úshin durys tamaqtaný qajet - Ǵylymı zertteý
ASTANA. QazAqparat - Ǵylymı zertteý jumystarynyń nátıjesi boıynsha, aldaǵy 20 jylda 20-49 jas aralyǵyndaǵy adamdardyń asqazan jarasynyń qaterli isikke shaldyǵýy jıileıtin bolady. Ǵalymdardyń aıtýynsha, shokolad, pechene, tort, gazdalǵan sýsyndar men júz qaıyra óńdeýden ótken et ónimderi, shujyqtar qaterli isik aýrýynyń týýyna sebep bolýy múmkin, dep jazady medıtsınalyq Meddaily portaly.
Asqazan men ishektiń qaterli isikke shaldyqqanynyń birden bir belgisi as qorytý júıesi buzylyp, ish túıilip, dáretke qan aralasyp shyǵady. Statıstıka boıynsha, osy aýrýdyń eń asqynyp turǵany 20-34 jas aralyǵyndaǵy adamdarda (1,99 paıyz) baıqalǵan. 2020 jyldarǵa qaraı bul kórsetkish 37,8 paıyzǵa deıin artaýy ábden múmkin. Al, 2030 jyldarǵa qaraı, 90 paıyzǵa jetýi de yqtımal. Meddaily portalynyń habarlaýynsha, sońǵy ýaqytta qaterli isiktiń aldyn alý baǵdarlamalary aıasynda skrınıngten ótýdiń arqasynda er adamdar arasynda qaterli isiktiń taralýy 3 paıyzǵa, al áıelderde 2,4 paıyzǵa azaıǵan.
