Asqat Jantursynov ázerbaıjan boksshysynan jeńilip qaldy

NUR-SULTAN. QazAqparat – Elordanyń Jaqsylyq Úshkempirov atyndaǵy Jekpe-jek saraıynda ótip jatqan kásipqoı boks keshinde qazaqstandyq Asqat Jantursynov Ázerbaıjannan kelgen qarsylasynan jeńilip qaldy, dep habarlaıdy QazAqparat tilshisi.

Táýelsizdiktiń 30 jyldyǵyna arnalǵan boks keshinde taǵy bir Ázerbaıjan boksshysy Sýrat Garaev Qazaqstan sportshysymen qolǵap túıistirdi.

6 raýndqa sozylǵan jekpe-jek barysynda Asqat Jantursynovtyń murny qanap, aıqas birneshe ret toqtatyldy.

Soǵan qaramastan janyn salyp judyryqtasqan qazaqstandyq sportshynyń ár soqqysyna Jekpe jek saraıyndaǵy halyq atoılap qoldaý bildirip otyrdy.

Tóreshiler Ázerbaıjan boksshysynyń basym túskenin tirkedi.

Buǵan deıingi úsh kezdesýde de sharshy alań ıeleri qarsylastarynan basym tústi.

Boks keshi «Habar» telearnasynyń tikeleı efırinen kórsetilip jatyr.

Foto: old.kzvesti.kz