Asqarbek Nábıev «BTA Bank» AQ basqarmasynyń tóraǵasy bolyp saılandy
"BTA Bank" AQ Dırektorlar keńesi 2015 jylǵy 30 naýryzdan bastap Maǵjan Áýezovtiń bank basqarmasynyń tóraǵasy ókilettigin merziminen buryn toqtatyp, 2015 jylǵy 8 sáýirden bastap 2015 jylǵy 31 jeltoqsanǵa deıin basqarma tóraǵasynyń laýazymyna Asqarbek Nábıevti saılaý sheshimin shyǵardy. Budan basqa, bankte «óz ótinishi boıynsha 2015 jylǵy 1 mamyrdan bastap basqarma múshesi - basqarýshy dırektor Qaıyrjan Mımıkenovtyń ókilettigin merziminen buryn toqtatý» sheshimi qabyldanǵany atap ótildi.
Atap ótsek, Asqarbek Nábıev - Qazaq memlekettik basqarý akademııasynyń túlegi, ekonomıst. 1997 jyly Qazkommertsbankte ekonomıkalyq taldaý basqarmasyna, keıinnen qaıta qurylǵan departamentke basshy boldy. 2002 jyldan bastap qarjylyq baqylaý departamentiniń dırektory qyzmetin atqarǵan.
