Asqarbek Ertaev Eńbek mınıstri qyzmetin jalǵastyrady
ASTANA. KAZINFORM - Asqarbek Ertaev Eńbek jáne halyqty áleýmettik qorǵaý mınıstri qyzmetine taǵaıyndaldy.
Tıisti Jarlyqqa Prezıdent Qasym-Jomart Toqaev qol qoıdy.
— Asqarbek Maratuly Ertaev Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymyna taǵaıyndalsyn, — delingen qujatta.
Asqarbek Ertaev 1977 jyly Aqtóbe qalasynda týǵan. Q.Jubanov atyndaǵy Aqtóbe memlekettik ýnıversıtetin, «Nur» Aqtóbe menendjment, bıznes jáne quqyq ınstıtýtyn bitirgen.
Eńbek jolyn 1997 jyly Aqtóbe oblysy Muǵaljar aýdany ákiminiń apparatynda maman bolyp bastaǵan.
2000-2014 jyldary bank sektorynda jumys istedi.
2014 jyly — QR Ekonomıka jáne bıýdjettik josparlaý mınıstrligi Saýda komıteti bas sarapshysynyń m.a.
2014-2021 jj. — QR Ulttyq ekonomıka mınıstrliginiń bas sarapshysy, basqarma basshysy, departament dırektorynyń orynbasary, departament dırektory.
2021-2022 jj. — QR Prezıdenti Ákimshiligi Qaýipsizdik Keńesiniń Taldaý bóliminde sektor meńgerýshisi.
2022-2023 jj. — QR Premer-Mınıstri Keńsesiniń, QR Úkimeti Apparatynyń ekonomıkalyq bóliminiń meńgerýshisi.
2023-2024 jj. — QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy.
2024-2025 jj. — Qazaqstan Respýblıkasy Eńbek jáne halyqty áleýmettik qorǵaý vıtse-mınıstri.
2025-2026 jj. - Qazaqstan Respýblıkasy Eńbek jáne halyqty áleýmettik qorǵaý birinshi vıtse-mınıstri.
2026 jylǵy 27 qańtardan bastap Qazaqstan Respýblıkasy Eńbek jáne halyqty áleýmettik qorǵaý mınıstri qyzmetin atqaryp keldi.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri, Nurlan Saýranbaev Kólik mınıstri, Erlan Sársembaev Ádilet mınıstri, Murat Muhanov Tótenshe jaǵdaılar mınıstri, Erlan Aqkenjenov Energetıka mınıstri, Ersaıyn Naǵaspaev Ónerkásip jáne qurylys mınıstri, Juldyz Súleımenova Oqý-aǵartý mınıstri, Arman Shaqqalıev Saýda jáne ıntegratsııa mınıstri, Nurjan Nurjigitov Sý resýrstary jáne ırrıgatsııa mınıstri, Aqmaral Álnazarova Densaýlyq saqtaý mınıstri, Álibek Qýantyrov Ekologııa jáne tabıǵı resýrstar mınıstri, Aıdarbek Saparov Aýyl sharýashylyǵy mınıstri, Asqarbek Ertaev Eńbek jáne halyqty áleýmettik qorǵaý mınıstri laýazymyna taǵaıyndalǵanyn habarlaǵanbyz.
