Asqar Jumaǵalıev Úndistannyń tsıfrlandyrý jobalarymen tanysty
Sapar barysynda qazaqstandyq mamandar Úndistannyń tsıfrlandyrý jobalarymen tanysyp, Ulttyq ınformatıka ortalyǵyna bardy. Onda úndilik áriptester aqparattyq qyzmetter men aqparattyq-kommýnıkatsııalyq tehnologııalar salasyndaǵy jańa sheshimdermen tanystyrdy.
Nıý-Delıde QR Premer-Mınıstriniń orynbasary Asqar Jumaǵalıev pen Úndistan Respýblıkasy aqparattyq tehnologııalar jáne telekommýnıkatsııalar mınıstri Ravı Shankar Prasad kezdesti.
Kezdesý barysynda Asqar Jumaǵalıev «Tsıfrlyq Qazaqstan» memlekettik baǵdarlamasy týraly aıtyp berdi. Premer-Mınıstrdiń orynbasary Úndistannyń kıberqaýipsizdik, adam kapıtalyn damytý, bıometrııa jáne taǵy basqa salalardaǵy jobalardy iske asyrýdaǵy eleýli tájirıbesin atap ótti.
«Adam kapıtalyn damytý - «Tsıfrlyq Qazaqstan» baǵdarlamasynyń eń mańyzdy baǵyttarynyń biri. Joǵary kásibı kadrlarsyz tsıfrlyq bastamalardy iske asyrý múmkin emes. Úndistannyń bilikti ІT-kadrlaryn daıarlaýda úlken tájirıbe jınaqtaǵanyn kórip otyrmyz. Úndi áriptesterimizdiń osy saladaǵy tájirıbesi bizdiń qyzyǵýshylyǵymyzdy týdyryp otyr», - dedi Asqar Jumaǵalıev.
Ravı Prasad Qazaqstannyń tsıfrlyq bastamalary álemdik trendterge sáıkes keletinin, al Memleket basshysynyń jan-jaqty kórsetip otyrǵan qoldaýy «Tsıfrlyq Qazaqstan» baǵdarlamasyn sátti iske asyrýdyń kepili ekenin atap ótti. Sondaı-aq mınıstr mamandardy daıarlaý salasynda tájirıbemen bólisýge daıyn ekenin jetkizip, Úndistan basqa da salalarda yntymaqtastyq ornatýǵa múddeli ekenine nazar aýdardy.
Úndistannyń Aqparattyq tehnologııalar jáne kommýnıkatsııalar mınıstrliginde NASSCOM, NIELT, CDAC, SPTI, EP sekildi jetekshi úndi kompanııalary óz ónimderimen tanystyrdy. Qazaqstan tarapy Astana Habpen tanystyryp, Qazaqstannyń ınnovatsııalyq ekojúıesin damytý keleshegi týraly aıtyp berdi.
Asqar Jumaǵalıev úndi BAQ-tarynyń suraqtaryna jaýap bere otyryp, eshbir el tsıfrlyq jobalardy óz betinshe iske asyra almaıtynyn atap ótti. Sebebi, tehnologııalar únemi ózgerip, qarqyndy túrde jetildirilip otyrady. Turaqty negizde pikir almasyp, bilimmen jáne tájirıbemen bólisip otyrý qajet. Sondyqtan da, osyndaı kezdesýler Qazaqstan úshin de, Úndistanǵa da óte paıdaly. Sondaı-aq, A. Jumaǵalıev úndi kompanııalaryn bıyl 5 qarashada ashylatyn Astana Habqa shaqyrdy.
