Asqar Jumaǵalıev Shanhaı bıligimen ekonomıkany tsıfrlandyrý máselesin talqylady

ShANHAI. QazAqparat - Búgin QR vıtse-premeri Asqar Jumaǵalıev Shanhaı qalasynyń vıtse-meri Sıýı Kýnlınmen kelissózder júrgizdi, dep habarlaıdy QazAqparattyń Qytaıdaǵy menshikti tilshisi. 

Taraptar smart-qalalar, elektrondyq jáne smart-úkimet júıesindegi, ekonomıka salasyndaǵy yntymaqtastyqty damytýdyń keleshegi jáne osy joldaǵy tájirıbelerimen bólisti.

A. Jumaǵalıev Sıýı Kýnlınge «Tsıfrlyq Qazaqstan» baǵdarlamasy jaıynda túsindirip, shanhaılyq kompanııalardy Qazaqstanda qurylyp jatqan Astana Hub - IT-startaptary halyqaralyq tehnoparkiniń jumysyna atsalysýǵa shaqyrdy.

Al Sıýı Kýnlın Shanhaıda shyǵatyn «Úlken kólemdi derekter bazasyna» keńinen toqtalyp, qalanyń kóliktik júıesin baqylap, basqarý tájirıbesimen bólisti.

Eske salaıyq, Shanhaıǵa bir kúndik jumys saparymen kelgen A.Jumaǵalıev bastaǵan qazaqstandyq delegatsııa «Qazaqtelekom» AQ qatysatyn Halyqaralyq mobıldik kongresske barǵan bolatyn. Vıtse-premerdiń qatysýymen qazaqstandyq operator jáne Nokia kompanııasy arasynda Qazaqstanda 5G jelisin testileý jónindegi memorandýmǵa qol qoıyldy.