Asqar Jumaǵalıev memqyzmetshilerge smartfon ustaýǵa qashan ruqsat beriletinin aıtty

ALMATY. QazAqparat - Vıtse-premer Asqar Jumaǵalıev memlekettik qyzmetshilerge smartfon ustaýǵa qashan ruqsat beriletinin aıtty, dep habarlaıdy QazAqparat tilshisi.

Vıtse-mınıstr birqatar nusqaýlyqtarǵa ózgeris engizý josparlanyp otyrǵanyn aıtty.

«Memlekettik qyzmetshilerge smartfon paıdalanýǵa ruqsat etý máselesi qyrkúıekke deıin sheshilýi tıis. Biraq, smartfon paıdalanǵan soń olardyń jaýapkershiligi birneshe ese artady», - dedi A.Jumaǵalıev.

Onyń aıtýynsha, «Tsıfrly Qazaqstan» baǵdarlamasy aıasynda smartfon paıdalanýdyń ózektiligi arta túsedi.

«Smartfon tek memlekettik qyzmetshilerge ǵana emes búginde kez-kelgen azamatqa qajetti devaıs. Sebebi, smartfon arqyly balany balabaqshaǵa kezekke qoıyp, dárigerge jazylyp, memlekettik qyzmet alýǵa bolady. Osy maqsatta qazir jumys jasalyp, arnaıy platforma qurylǵaly jatyr», - dedi vıtse-premer.

Aıta ketý kerek, búgin vıtse-premer Asqar Jumaǵalıev «Qazposhta» AQ 4 kelilik sálemdemelerdi tasymaldaıtyn drondaryn testileý sharasyna qatysty.