Asqar Jumaǵalıev: Qazaqstan – ınternetke qoljetimdilik boıynsha álemde kóshbasshylardyń biri
NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Qazaqstan – ınternetke qoljetimdilik boıynsha álemde kóshbasshylardyń biri ekenin málim etti, dep habarlaıdy QazAqparat tilshisi.
«Búgingi kúni damyǵan ınfraqurylym tsıfrlyq saýattyń artýyna óz áserin tıgizedi. Ásirese, aýyldy eldi mekenderdi aıta ketsek, qazirgi tańda elimiz - ınternetke qoljetimdilik boıynsha álemde kóshbasshylardyń biri. Eldegi ınternettiń tartylý deńgeıi - 86,8%. Búgingi tańda ınfraqurylymdy damytý boıynsha elimizde 2 iri joba iske asýda. Ol - aýyldy mekenderge keńjolaqty ınternetti jetkizý. Osynyń nátıjesinde ınternettiń qoljetimdilik deńgeıi 99,3% jetedi», - dedi Asqar Jumaǵalıev Úkimet otyrysynda.
Onyń aıtýynsha, ınternetke qoljetimdilik bizdiń azamattarǵa, sonyń ishinde aýyl turǵyndaryna tsıfrlyq ekonomıkany damytýǵa, onlaın bilim berýge jáne qashyqtan jumys isteýge múmkindik beredi.
