Asqar Jumaǵalıev Germanııanyń tsıfrlandyrý salasyndaǵy usynystaryna qyzyǵýshylyq bildirdi

NUR-SULTAN. QazAqparat - QR Tsıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıev Germanııanyń Qazaqstandaǵy Tótenshe jáne Ókiletti Elshisi Tılo Klınnermen kezdesti, dep habarlaıdy «QazAqparat» HAA tilshisi.

Mınıstrliktiń baspasóz qyzmetinen málim etkendeı, kezdesýde taraptar qorǵanys ónerkásibi jáne tsıfrlyq damý salalarynda yntymaqtastyqty kúsheıtý perspektıvalaryn talqylady.

«Bizdi Germanııanyń tsıfrlandyrý, adam kapıtalyn damytý jáne ınnovatsııalyq ekojúıeler salasyndaǵy tájirıbesi qyzyqtyrady. Sizdiń elde bul baǵyttar damyǵan, biz germanııalyq kompanııalardyń ekonomıkanyń barsha sektoryndaǵy, ásirese tsıfrlandyrý salasyndaǵy yntymaqtastyq týraly usynystaryn qaraýǵa ázirmiz», - dedi Asqar Jumaǵalıev.

Taraptar ózara tıimdi nátıjelerge jetkizetin yqpaldastyqty odan ári nyǵaıtý nıetterin qýattady.

Avtory Sara Qabıqyzy