Asqar Jumaǵalıev Estonııanyń tsıfrlandyrý jobalarymen tanysty
Sapar barysynda delegatsııa birqatar kezdesýler ótkizip, tsıfrlyq sheshimder qoldanylatyn nysandarmen tanysty.
Sonymen qatar delegatsııa Estonııa Respýblıkasynyń Premer-Mınıstri ıÝrı Rataspen, ER ekonomıka jáne kommýnıkatsııalar mınıstri Kadrı Sımsonmen kezdesti. Taraptar tsıfrlandyrý jobalaryn júzege asyrý boıynsha ekijaqty yntymaqtastyq keleshegin talqylady.
ER Іshki ister mınıstri Andres Anveltpen bolǵan kezdesý barysynda estonııalyq tarap elektrondyq rezıdentsııanyń erekshelikterimen tanystyryp, jol polıtsııasynyń tsıfrlyq sheshimderi men halyq tirkeliminiń artyqshylyqtary týraly aıtty.
Estonııa eliniń ókilderi elektrondy vıza jáne ID kartalardy engizý tájirıbesimen bólisti. Búginde estonııalyqtardyń 98% tsıfrlyq qyzmetterdi paıdalanýǵa arnalǵan ID-kartalardyń ıesi. Respýblıkanyń 30 myńnan astam e-rezıdenti Estonııanyń elektrondyq qyzmetterin qoldanady. Olar óz kompanııalaryn basqarýǵa, kelisimsharttarǵa qol qoıyp, qarjy qyzmetterin paıdalanýǵa múmkindik alyp otyr.
Qazaqstandyq tarap Estonııanyń X-Road jobasyn júzege asyrý tájirıbesine qyzyǵýshylyq bildirdi. Ol eldegi elektrondy qyzmetterdi qoldaýǵa arnaǵan memlekettik jáne jeke sektor arasyndaǵy ózara baılanysý, tájirıbe almasý júıesi. Estonııanyń elektrondyq salyq salý júıesi barlyǵyn avtomatty túrde eseptep, salyq deklaratsııasyn jyldam ótkizýge múmkindik beredi.
Qazaqstandyq delegatsııa mamandardy daıyndaý jáne qaıta daıyndaý úlgilerimen tanylǵan Tallındegi AT-kolledjdi de aralady. Estonııa eli tsıfrlyq óndiris jaǵdaıynda jumys isteıtin qyzmetkerlerdiń bilimin jetildirý úrdisine erekshe mán beretini belgili. Sonymen qatar delegatsııa Estonııanyń densaýlyq saqtaý júıesin tsıfrlandyrý tájirıbesimen jáne tsıfrlyq tehnologııalardy engizýden keıingi medıtsınanyń tıimdiligin arttyrý tásilderimen tanysty.