Asqar Jumaǵalıev: Tsıfrlandyrý - zaman talaby
Beıresmı kezdesý barysynda «Tsıfrly Qazaqstan» memlekettik baǵdarlamasyn júzege asyrý barysy talqylandy.
«Elbasynyń tikeleı tapsyrmasy boıynsha Úkimet tarapynan memlekettik baǵdarlama jasalǵan bolatyn. Óz joldaýynda Prezıdent aqparattyq-tehnologııalyq sheshimderdi engizý qajettigin aıtty. Tsıfrlandyrý - zaman talaby. Qazirgi tańda tsıfrlik tehnologııasyz jetistikke jetken kásiporyndy elestetý múmkin emes, ondaı óndirýshiler taýarynyń sapasy men baǵasynda utylyp, básekelestikke tótep bere almaıdy. Oılap kórińizder, óndiriste 10% adamı faktorǵa ıaǵnı adamnyń qatelikterine baılanysty. Tsıfrlik tehnologııalar mundaı jaǵdaıdy boldyrmaıdy», - dedi Premer-Mınıstrdiń orynbasary.
Asqar Jumaǵalıev áriptesterdiń birshama qyzyq saýaldar qoıǵanyn, naqtyraq aıtqanda, kadrlardy daıarlaý, ınfraqurylymnyń daıyndyǵy men BAQ-tyń ózin tsıfrlandyrý máseleleri talqylanǵanyn aıta ketti.
«Meniń oıymsha, biz qalaımyz ba, joq pa - aqparattyq tehnologııalar kúnnen-kúnge bizdiń ómirimizge dendep enip bara jatqanyn barlyq qatysýshylar túısinedi. Álemdik trendterden qalyspaýdyń mańyzy zor. Álbette, baǵdarlamanyń tabysy halyqty kóptep tartýmen tikeleı baılanysty bolǵandyqtan, bul protseste BAQ-tyń róli asa zor. Biz árbir qazaqstandyq «Tsıfrly Qazaqstan» baǵdarlamasy týraly shynaıy ári mańyzdy aqparatqa qol jetkize bilýi úshin jobalar týraly málimet pen oı bólisýge, túsindirýge, saýaldarǵa jaýap berýge daıynbyz», - dedi vıtse-premer.
Óz kezeginde Aqparat jáne kommýnıkatsııalar mınıstri Dáýren Abaev «Tsıfrly Qazaqstan» baǵdarlamasynyń densaýlyq saqtaýdan bastap, óndiriske deıin barlyq salany qamtıtyny týraly aıta kele, jobalardy keshendi túrde júzege asyrý kerektigine basa nazar aýdardy.
Kezdesý barysynda «Zerde» ulttyq ınfokommýnıkatsııa holdıngi» AQ basqarma tóraǵasy Rýslan Eńsebaev jobany júzege asyrý boıynsha aýqymdy jumystyń bastalyp ketkendigin jáne ár memlekettik organda baǵdarlamanyń júzege asyrylý barysyn qadaǵalap otyratyn tsıfrlandyrýǵa jaýapty keńse qurylǵandyǵyn aıtty.
Aıta ketsek, buǵan deıin Qazaqstan Respýblıkasy Úkimetiniń qaýlysymen elimizde «Tsıfrly Qazaqstan» baǵdarlamasy bekitilgen bolatyn. Baǵdarlamanyń negizgi mindeti - damyǵan, tsıfrly tehnologııalar arqyly el turǵyndarynyń ómir súrý sapasyn arttyryp, ekonomıkanyń básekege qabilettigin arttyrý bolyp tabylady. «Tsıfrly Qazaqstan» baǵdarlamasy boıynsha aqparattyq tehnologııalardy ekonomıkanyń bes baǵyty boıynsha engizý kózdelýde. Olar: «Ekonomıka salalaryn tsıfrlandyrý», «Tsıfrlyq memleketke kóshý», «Tsıfrlyq jibek jolyn iske asyrý», «Adamı kapıtaldy damytý», «Innovatsııalyq ekojúıeni qurý». Atalǵan baǵyttar boıynsha 2018-2022 jyldary aralyǵynda 120 is-shara júzege asyrylady.
