Asqar Jumaǵalıev BUU Bas hatshysy Antonıo Gýterrıshpen kezdesti

ASTANA. QazAqparat - Nıý-Iorktegi ınvestıtsııalyq konferentsııa aıasynda QR Premer-Mınıstriniń orynbasary Asqar Jumaǵalıev pen BUU-daǵy QR Turaqty ókili Qaırat Omarov BUU Bas hatshysy Antonıo Gýterrıshpen jáne onyń orynbasary Lıý Chjenmınmen kezdesti, dep habarlaıdy primeminister.kz.

Kezdesýlerde turaqty damý maqsattaryna qol jetkizý, BUU-nyń rezıdent-úılestirýshi júıesin reformalaý jáne elektrondyq úkimetti damytý týraly aıtyldy.

BUU basshylyǵymen áńgimelesý kezinde Asqar Jumaǵalıev Prezıdent N. Nazarbaevtyń bastamasymen qabyldanǵan «Tsıfrlyq Qazaqstan» baǵdarlamasy týraly aıtyp berdi.

Baǵdarlama ınfraqurylymdy, adam kapıtalyn, elektrondy úkimetti, tsıfrlyq ekonomıkany jáne ınnovatsııalyq ekojúıeni qurýdy damytýǵa baǵyttalǵan. Vıtse-premer, sondaı-aq, bul Baǵdarlama turaqty damý maqsattaryna qol jetkizýge yqpal etetin quraldardyń biri ekenin atap ótti.

Óz kezeginde, BUU-da tsıfrlyq tehnologııalardy engizý salasyndaǵy Qazaqstannyń mańyzdy jetistikteri atalyp ótti.

Bas hatshy Antonıo Gýterrısh QR men BUU arasyndaǵy elektrondyq úkimetti damytý salasyndaǵy yntymaqtastyq týraly kelisim jasasý múmkindigin qarastyrýǵa nıet bildirdi.

Bas hatshynyń orynbasary Lıý Chjenmın BUU-nyń Ekonomıkalyq jáne áleýmettik máseleler departamenti (EÁMD) Qazaqstanmen yntymaqtastyqta jańa jobalardy júzege asyrýǵa múddeli ekenin atap ótti.

Kezdesý qorytyndysy boıynsha taraptar barlyq máseleler boıynsha jemisti yntymaqtastyqty jalǵastyrýǵa nıet bildirdi.

Eske sala keteıik, BUU reıtıngisinde Qazaqstan elektrondyq úkimetti damytý turǵysynan álemniń 193 eliniń arasynda 39-orynǵa ıe.