Asqar Jumaǵalıev bastaǵan qazaqstandyq delegatsııa Qazanǵa bardy
Alǵashqy aralanǵan nysan 143 startap rezıdenti bar AT-park boldy. Sapar barysynda Tatarstan Respýblıkasynyń Premer-Mınıstriniń orynbasary - aqparat jáne baılanys mınıstri Roman Shaıhýtdınov Respýblıkanyń IT-tehnologııalar salasyndaǵy negizgi jetistikteri týraly áńgimeledi. Vıtse-Premerdiń aıtýynsha, Tatarstan qaǵaz túrindegi qujat aınalymynan tolyqtaı bas tartqan, búginde kún saıyn 200 myń qujat pen 165 myń qarar elektrondy nusqada júrgiziledi. Sondaı-aq, tsıfrlandyrý barlyq áleýmettik salalardy keńinen qamtıdy. «Elektrondy densaýlyq saqtaý» aqparattyq júıesinde 18,5 myń medıtsına qyzmetkeri jumys isteıdi. Bir mıllıonnan astam tatarstandyqtar, onyń ishinde muǵalimder men ata-analar «Elektrondyq bilim» júıesiniń paıdalanýshylary boldy.
Budan ózge, delegatsııaǵa «GLONASS + 112» aqparattyq júıesi usynyldy. Búgingi kúni oǵan Tatarstannyń barlyq jedel operatıvtik qyzmetteri qosylǵan. Bul kez-kelgen kútpegen jaǵdaılarda olardyń jumysyn baılanystyrýǵa jáne úılestirýge jol ashady. Sonymen qatar bul júıe zardap shegýshiler sıgnaldaryn qadaǵalaýǵa jáne qysqa merzim ishinde kómek kórsetýge múmkindik beredi.
IT-parkin aralaý barysynda «AT-park» MDM men «Qazaqtelekom» AQ arasynda ózara túsinistik pen yntymaqtastyq týraly memorandýmǵa qol qoıyldy. Memorandým seriktestikti ornatýdy jáne jıyntyqty saqtaý tehnologııalaryn, aqparattyq qaýipsizdikti, jasandy zerdeni, zattar ınternetin damytý jáne ózge de baǵyttarda tájirıbe almasýdy qarastyrady.
Keıin delegatsııa «Innopolıs» erekshe ekonomıkalyq aımaǵyna baryp, Innopolıs ýnıversıtetiniń aqparattyq tehnologııalar salasyndaǵy ázirlemelerimen tanysty. «Innopolıs» - talantty ázirleýshi turǵyndary bar qala. Onyń aýmaǵynda bes salyq jeńildigi júredi jáne ómir súrýge qajetti barlyq ınfraqurylym jasalǵan.