Asqar Jumaǵalıev bankter men jeke kompanııalarǵa QR-kod arqyly qyzmet kórsetýdi usyndy
«Keshe eGov portalynan qyzmetterdi alýda QR-kod engizýdi josparlap otyrǵanymyzdy jazdym. Ózderińiz bilesizder, elektrondyq qoltańba elektrondyq úkimet portalynan bólek salyq tóleýshiler kabınetinde, memlekettik satyp alý saıtynda, sot kabınetinde jumys isteý úshin talap etiledi. Biz vedomstvoaralyq komıssııa otyrysynda basqa memlekettik organdardaǵy áriptesterimizge óz portaldarynda balama retinde uqsas servısti engizýdi usyndyq. Bul azamattardyń barlyq memlekettik qyzmetti QR-kodty mobıldi qosymsha arqyly skanerleı otyryp, ońaı alýy úshin qajet», - dep jazdy mınıstr Facebook paraqshasynda.
Onyń atap ótýinshe, is júzinde eGov mobile memlekettik servıstermen jumys isteýde basty quralǵa aınalady jáne kompıýterge túrli baǵdarlamalardy ornatýdyń qajeti bolmaıdy.
«Sonymen qatar, qoldanýshylardyń kóbi kompıýterdegimen salystyrǵanda smartfondaǵy ETsQ-ny paıdalaný áldeqaıda yńǵaıly jáne ońaı ekenin aıtýda. Aıtpaqshy, biz osyndaı múmkindikti bolashaqta bankter men jeke kompanııalarǵa engizýdi usynbaqpyz. Dál osy prıntsıp boıynsha, ıaǵnı túrli parolderdi este saqtamaı-aq, eGov mobile qosymshasyn paıdalaný arqyly olardyń resýrstaryndaǵy qajetti qyzmetterdi alýǵa bolar edi», - dedi Asqar Jumaǵalıev.