Asqar Jumaǵalıev Astana ІT-haby týraly aıtty
ASTANA. QazAqparat - QR Premer-Mınıstriniń orynbasary Asqar Jumaǵalıev Ortalyq kommýnıkatsııalar qyzmetinde ótken baspasóz máslıhatynda ózimizde qurylatyn ınnovatsııalyq ekojúıe týraly aıtty, dep habarlaıdy «QazAqaparat».
«Damyp jatqan adamzat áleýetin esepke ala otyryp ózimizdiń ınnovatsııalyq ekojúıemizdi qurýǵa kúsh salyp jatyrmyz. Osy baǵytta úlken jumystar jasalyp jatyr. Memleket basshysynyń tapsyrmasymen Astana ІT-hab jasalýda. Oǵan jas ІT-mamandardy tartý úshin qajetti jaǵdaılardy jasaý ústindemiz. Bul - tegin keńse jáne turatyn jer, damyǵan tehnıkalyq ınfraqurylym. ІT-hab kesheni aıasynda baǵdalamalaý mektebin ashamyz. Ol jerde bizdiń bolashaqtaǵy ınnovatsııalyq startaptardy júzege asyratyn balalar daıyndalatyn bolady», - deıdi Asqar Jumaǵalıev.
Onyń aıtýynsha, aǵymdaǵy jyldyń aqpan aıynda qyzyqty ıdeıalary men ІT-jobalary bar jastarǵa arnalǵan jańa baǵdarlamalar iske qosylǵan.
