Asqar Shákirov: Sýǵa qatysty máseleler Úkimet pen jergilikti bıliktiń baqylaýynda bolýy tıis
«Jyl saıyn sý tasqyny kezeńinde biz drenaj júıesi men nóserlik kárizdiń qaraýsyz qalýymen, al jekelegen jaǵdaılarda – olardyń múldem bolmaýy jaǵdaılarymen betpe-bet kelemiz. Kóptegen eldi mekender zardap shegip, adamdar baspana men múlikterin joǵaltady, al memleket ekonomıkalyq shyǵyndarǵa tap bolyp jatady. Bıyl Aqmola, Soltústik Qazaqstan jáne Túrkistan oblystary sý apatyna dýshar boldy», - dedi Asqar Shákirov «Qazaqstannyń sý qaýipsizdigi: qazirgi kezdegi qaýip-qaterler jáne olardy sheshý perspektıvalary» taqyrybyna arnalǵan Úkimet saǵatynda.
Onyń atap ótýinshe, gıdrometeorologııalyq qyzmetterdi tolyq qarjylandyrmaý, gıdrotehnıkalyq qurylystar salýdy jetkiliksiz jobalaý, sý basý qaýpi bar ýchaskelerde obektilerdi zańsyz salý jáne basqa da máseleler Úkimet pen jergilikti bılik organdary tarapynan turaqty baqylaýda bolýǵa tıis.
«Ózderińiz biletindeı, sý qaýipsizdigi máselelerine Senat depýtattary erekshe nazar aýdarady. Jaqynda Senatta Qaraǵandy oblysynyń jáne Tótenshe jaǵdaılar mınıstrliginiń basshylyǵymen kezdesý ótti. Onda tótenshe jaǵdaılardyń saldaryn joıýǵa emes, aldyn alýǵa kóńil bólindi. Basqasha aıtqanda, bar problemalardy naqty taldaý, jaǵdaıdyń damýyn boljaý jáne mindetterdi keshendi sheshý qajet. Búgin osy suraqtarǵa jaýap alyp, odan ári sharalar men usynystardy talqylaımyz dep úmittenemiz»,- dedi Senat tóraǵasynyń orynbasary.
