Asqar Shákirov Senattyń turaqty komıtetiniń tóraǵasy bolyp saılandy
Palatanyń Halyqaralyq qatynastar, qorǵanys jáne qaýipsizdik komıtetiniń tóraǵasy qyzmetine Asqar Orazalyuly Shakırovtyń kandıdatýrasy usynyldy. Senat depýtattary atalǵan kandıdatýrany biraýyzdan qoldady.
Shákirov Asqar Orazalyuly 1956 jylǵy 2 aqpanda Qaraǵandy qalasynda týǵan. M.V. Lomonosov atyndaǵy Máskeý memlekettik ýnıversıtetiniń Azııa jáne Afrıka ınstıtýtyn, KSRO ІІM akademııasynyń kúndizgi adıýnktýrasyn bitirdi. Zań ǵylymdarynyń kandıdaty. Aǵylshyn jáne qytaı tilderin meńgergen.
1 klass Tótenshe jáne Ókiletti elshi dıplomatııalyq rangisi bar.
1978 jyldan 1992 jylǵa deıin – KSRO Іshki ister mınıstrliginiń júıesinde jumys istedi.
1992 jyldan – Qazaqstan Respýblıkasy Syrtqy ister mınıstrliginiń Sharttar-quqyqtyq basqarmasynyń bólim meńgerýshisi, bastyqtyń orynbasary, bastyǵy, Qazaqstan Respýblıkasy Syrtqy ister mınıstrligi alqasynyń múshesi.
1995 jyldan 1996 jylǵa deıin – Qazaqstan Respýblıkasynyń Koreıa Respýblıkasyndaǵy isterinde ýaqytsha senimdi ókil.
1996 jylǵy mamyr - sáýir aılary araǵynda – Qazaqstan Respýblıkasy Syrtqy ister mınıstrliginiń erekshe tapsyrmalary boıynsha elshi.
1996 jyldan 1998 jylǵa deıin – Qazaqstan Respýblıkasy Syrtqy ister mınıstriniń orynbasary.
1998 jyldan 2004 jylǵa deıin – Qazaqstan Respýblıkasynyń Indııadaǵy Tótenshe jáne Ókiletti elshisi.
2004 jylǵy tamyz aıynan – Qazaqstan Respýblıkasy Syrtqy ister mınıstriniń orynbasary.
2006 jylǵy aqpannan 2007 jylǵy maýsymǵa deıin – Qazaqstan Respýblıkasy Qarjy mınıstrliginiń Keden komıtetiniń tóraǵasy.
2007 jylǵy qyrkúıekten – Qazaqstan Respýblıkasyndaǵy Adam quqyqtary jónindegi ýákil.
2012 jylǵy 27 qyrkúıekte – Qazaqstan Respýblıkasy Prezıdentiniń Jarlyǵymen Adam quqyqtary jónindegi ýákil qyzmetine taǵaıyndalǵan.
2017 jylǵy 4 qyrkúıekte – QR Prezıdentiniń usynýy boıynsha QR Parlamenti Senatynyń plenarlyq otyrysynda Qazaqstan Respýblıkasyndaǵy Adam quqyqtary jónindegi ýákil qyzmetine saılandy.
2019 jylǵy 13 tamyzda – Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndaldy.
2019 jylǵy 2 qyrkúıekte – Qazaqstan Respýblıkasy Parlamenti Senaty Tóraǵasynyń orynbasary bolyp saılandy.
2023 jylǵy qańtarda Senat depýtaty bolyp qaıta saılandy.
«Qurmet» ordenimen jáne 21 medalmen marapattalǵan.
Foto:wikipedia.org
